Lajm - TOPALLI I THOTË RAMËS 'BASTARD', REAGON ASHPËR DHE BERISHA, OPOZITA PËRÇAHET EDHE PËR BOJKOTIN
E Enjte, 09.12.2013, 07:25am (GMT+1)
Kur nisi seanca e parë e kësaj legjislature, deputeti i dytë më i vjetër, Namik Dokle, e quajti lajm të mirë faktin që punimet po nisin pa bojkot. Por nuk ka zgjatur shumë dhe bojkoti ka mbërritur.
Fjalimi i kryeministrit Edi Rama ka acaruar ndjeshëm opozitën, që vendosi të lërë sallën, duke ndjekur nga pas pa asnjë urdhër ish- kryeministrin Sali Berisha.
Por në sallë ka mbetur së paku lideri i LZHK-së, Dashamir Shehi, që nuk i është bashkuar bojkotit bashkë me deputetin e PDIU, Dashamir Tahiri.
Ndërkohë ish- kryetarja e Kuvendit, Topalli, ishte më agresivja në fjalor, duke e quajtur Ramën "˜bastard'.
Këtë seancë po e ndjek edhe një grup ish- të përndjekurish. Në lozhat e Kuvendit janë ulur Islam Spahiu, Hysen Xhani, Skënder Tufa, Perikli Shqevi, Agron Talo, Xhemal Zhuri, Ismet Shoshori, Petrit Lipo, Fejzulla Seferi.
BERISHA: NA SHPALLI LUFTË, DO I KETË DITËT E SHKURTRA
18:35 Ish- kryeministri i vendit Sali Berisha, pasi opozita bojkotoi fjalën e kryeministrit Rama në një prononcim për gazetarët deklaroi se mazhoranca e re dje i shpalli luftë, duke paralajmëruar se do i ketë ditët e shkurtra.
"Në dëgjojë një retorikë të ulët. Me sharje dhe fyerje ndaj pozitës mendon se do të mundë të kapërcejë premtime alla Papandreu me të cilat mashtroi dhe mori votën e shqiptarëve. Vetëm me mashtrime publike për shërbim shëndetësor falas, për dëmshpërblim brenda dy viteve të të përndjekurve, për legalizime falas, për ulje të taksave për 95% të shqiptarëve. Në këto rrethana. Nuk kishte hapësirë për të ndjekur ligjeratën paranojave, banale të një piktori dështak që sot flet në emër të qeverisë. I rikujtoj zotërisë se sot janë dy data. 11 shtatori që nderon gjithë njerëzimi viktimat e Nju Jorkut, por dhe 11 shtatori i Pinocetit. Moralisht shprehu nderim për të parim, por në shpirt kishte të dytin. Ne erdhëm këtu, por Rama na shpalli luftë. Ajo që mazhoranca bëri ishte e paparë, nuk ndodh dhe në Korenë e Veriut që diskutimi të behet pa e marrë materialin dhe pa i dhënë qoftë një ditë të vetme. Nëse vijohet ne këtë mënyrë dëshmohet se etërit janë aty. E dëgjuat krahasimin me vitin "˜92, kjo është hakmarrje. Por në këtë rrugë do i ketë ditët e shkurtra. Demokratët nuk mposhtën, pasi demokratët janë të pathyeshëm", theksoi Berisha.
www.voal-online.ch
|