ZHBOGAR - GJYKATA SPECIALE DO TA PASTROJË KOSOVËN NGA REJA E ZEZË E MARTIT
E Enjte, 04.17.2014, 09:52am (GMT+1)
Prishtinë, 17 prill 2014 - Se krijimi i Gjykatës së Veçantë në Kosovë për krimet e luftës, nuk do ta prishë imazhin e Kosovës e ka përsëritur mbrëmë edhe shefi i zyrës së Bashkimit Evropian në Kosovë, Samuel Zhbogar.
Ai thotë se raporti i Dik Martit ishte një re e zezë mbi Kosovën dhe se ende po qëndron aty. Zhbogar ka thënë gjatë emisionit "Zona B" në Klan Kosova se imazhi i Kosovës do të pastrohej me Gjykatën e Veçantë.
Sipas tij, historia nuk mund të ndryshohet dhe Gjykata nuk është për Kosovën ose UÇK-në, por ka të bëjë vetëm me çështjet e ngritura në raportin e Martit.
Shefi i BE-së mendon se deputetët e Kuvendit të Kosovës kur të votojnë lidhur me çështjen e Gjykatës në Kuvend do të mendojnë lidhur me të ardhmen e Kosovës.
Me themelimin e Gjykatës, Kuvendi do të dëshmonte se Kosova është e gatshme që të ecën përpara.www.voal-online.ch
|
Comments (0)
Dërgoja shokut
Printo
