VOAL - Online Zëri i Shqiptarëve | ||||
GJYKATA SPECIALE E KOSOVËS DO TË KALOJË NË DUART E KËSHILLIT TË SIGURIMIT E Premte, 08.15.2014, 08:41am (GMT1) Rikthehet frika se në rast të dështimit të krijimit të institucioneve të reja dhe shkuarjes në zgjedhje, çështja e Gjykatës Speciale do t'i kalojë në duar Këshillit të Sigurimit, raporton KTV. Si tendencë e tillë po shihet në Kosovë edhe kërkesa e fundit e sekretarit të Përgjithshëm të OKB-së, Ban Ki-Moon, që më së largu në fillim të vitit të ardhshëm të funksionalizohet Gjykata Speciale, e cila do të merret me krimet e supozuara të UÇK-së. Naim Rashiti, nga Grupi Ndërkombëtar i Krizës, tha se nëse Kuvendi i Kosovës nuk arrin që deri në fund të vitit të kalojë ndryshimet kushtetuese për formimin e kësaj gjykate, atëherë ka tendencë që kjo çështje të kalojë në dorë të Këshillit të Sigurimit. Megjithatë, ai është i bindur se institucionet e Kosovës do të krijohen shpejt dhe Qeveria e re e Kosovës do të negociojë marrëveshjen me Qeverinë e Holandës e më pas atë ta miratojë Kuvendi. Ndërkohë, analisti Artan Muhaxhiri tha se mënyra se si do të funksionalizohet Gjykata Speciale do të jetë një test për klasën tonë politike. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |