FINANCIMI I TERRORIZMIT - NË KOSOVË KANË HYRË 50 MILIONË EURO NGA LINDJA E MESME
E Mërkurë, 08.20.2014, 07:01am (GMT+1)
 "˜Në Kosovë ekziston një bazë ligjore solide për financimin e terrorizmit'. Kështu është shprehur në një prononcim eksperti nga Kosova Bashkim Zeqiri. Ai thotë se problem është mungesa e vullnetit politik dhe se vitet e fundit në Kosovë kanë hyrë 50 milionë euro nga Lindja e Mesme.
"Bazuar në raportet ndërkombëtare mbi terrorizmin, për shembull raportet e Departamentit të Shtetit mbi Terrorizmin, publikuar në vitin 2013, theksojnë disa vërejtje që qeveria dhe institucionet e saj duhet seriozisht t'i qasen apo të merren. Njëra prej këtyre vërejtjeve është që nuk dihet burimi i financimit të disa organizatave joqeveritare dhe Kosova nuk e ka të ngritur këtë mbikëqyrje"- është shprehur Zeqiri për RTK-në.
"Vetëm vitet e fundit sipas vlerësimeve që i kemi bërë, dyshohet se në Kosovë kanë hyrë mbi 50 milionë euro nga shtetet që vijnë nga Lindja e Mesme. Këto janë mjete të cilat duhet të analizohen, duhet të vlerësohen transaksionet, duhet të kryhen profile analitike dhe kjo kërkon një qasje shumë serioze", tha ai. www.voal-online.ch
|
Comments (0)
Dërgoja shokut
Printo
