VETËVENDOSJE - KUSHTETUESJA E VARROSI DEMOKRACINË
E Premte, 08.29.2014, 07:28am (GMT+1)
 Me një kurorë në dorë, të rreshtuar në rresht për dy, aktivistë të Lëvizjes Vetëvendosje kanë realizuar një aksion simbolik para Gjykatës Kushtetuese, ku kanë hyrë me forcë në oborrin e Gjykatës dhe në objektin e saj kanë vënë mbishkrimin "˜E Nxone PDK'.
Ndërsa, kurorën në të cilën kishin shkruar "˜Në këtë vend është varrosur demokracia' e kanë vendosur të dera e hyrjes së Gjykatës.
Aktivistët e VV-së me kurorë në dorë përgjatë rrugës për tek Gjykata Kushtetuese e deri në fund, kanë lëshuar edhe muzikë e cila përdoret në varrime.
Anëtari i Këshillit të Përgjithshëm të Vetëvendosjes, Zgjim Hyseni tha se përmes vendimit të fundit, Gjykata Kushtetuese duke interpretuar atë, e ka ndryshuar Kushtetutën.
Sipas tij, Kushtetuta e Kosovës ka shumë pika dhe çështja të cilat duhet ndryshuar, pasi në shumë pika të saj Kushtetuta paraqet kufizime e barriera të cilat populli i Kosovës domosdo do t'i tejkalojë.
Por, Hyseni tha se problem është që këto ndryshime nuk po bëhen për të zgjedhur të drejtën qytetare dhe për të rritur mundësinë për realizimin e tyre, por pikërisht e kundërta.
Ai paralajmëroi edhe veprime tjera me të cilat do të kundërshtohet ky vendim i Gjykatës Kushtetuese, pasi për ta është i papranueshëm. KosovaPress
www.voal-online.ch
|
Comments (0)
Dërgoja shokut
Printo
