VOAL - Online Zëri i Shqiptarëve | ||||
KRYESIA E LDK I JEP MBËSHTETJE KOALICIONIT PASZGJEDHOR - THOTË SE LAN I KA MUNDËSITË E KRIJIMIT TË INSTITUCIONEVE TË REJA E Hënë, 09.01.2014, 04:14pm (GMT1) Kryesia e Lidhjes Demokratike të Kosovës, në mbledhjen e mbajtur të hënën, e vlerësoi situatën e krijuar pas vendimit të Gjykatës Kushtetuese dhe publikimit të aktgjykimit lidhur me zgjedhjen e Kryetarit të Kuvendit. Kryesia e LDK-së, përmes një komunikate për media, thotë se vlerëson se koalicioni i shumicës LDK-AAK-Nisma i ka mundësitë për të kaluar krizën institucionale dhe të hapë rrugë për ndërtimin e institucioneve të reja të vendit. "Në demokracitë parlamentare vendimet merren me shumicën e votave dhe koalicioni paszgjedhor e ka këtë shumicë", është thënë në kryesinë e LDK-së. Kryesia e LDK-së kërkon nga kryesuesja e seancës konstituive, deputetja Brovina, që, në përputhje me detyrimet kushtetuese, sa më parë të thërrasë vazhdimin e Seancës. "Kryesia e LDK-së i jep mbështetje të plotë Koalicionit LDK-AAK-Nisma
dhe partnerëve të tjerë për të implementuar vullnetin e shumicës
dërrmuese të qytetarëve të Kosovës për të ndërtuar sa më parë
institucionet e reja të vendit", përfundon komunikata e LDK-së.kd www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |