Sipas skenarit, për të cilin flasin burime nga PDK-ja,
seanca do të fillojë me propozimin e kryetarit të Kuvendit nga PDK-ja,
ndërkohë që LDK, AAK, Nisma dhe Vetëvendosje, do të qëndrojnë në sallë
dhe të votojnë, për, kundër, apo të abstenojnë.
Nëse dështon kandidatura e PDK-së, blloku LDK-AAK- Nisma, do
të kërkojë të drejtën e kandidimit të Isa Mustafës, e nëse kjo refuzohet
nga kryesuesja Flora Brovina, atëherë do të nxirret mocioni për
rrëzimin dhe zëvendësimin e kryesueses, raporton tribuna.
Vazhdimi i seancës konstituive të Kuvendit ku si pikë e vetme
parashihet të jetë zgjedhja e kryetarit dhe kryesisë, pritet të
përcillet me një skenar tjetër krahasuar me mbledhjen e ndërprerë të 17
korrikut.
Verifikimi i mandateve dhe betimi i deputetëve, në bazë të
aktgjykimit të Gjykatës Kushtetuese pritet të konsiderohen pika të
përmbyllura qysh më 17 korrik.