VOAL - Online Zëri i Shqiptarëve | ||||
ZËRI I AMERIKËS - PAPA FRANÇESKU, VIZITË HISTORIKE NË SHQIPËRI E Djelë, 09.21.2014, 02:22pm (GMT1) Papa Françesku është në Shqipëri për vizitën e tij të parë në një vend evropian jashtë Italisë. Kryeministri i Shqipërisë, Edi Rama së bashku me ministrat e kabinetit të tij pritën Papën në aeroportin e Tiranës. Udhëheqësi i një miliard katolikëve të botës drejtoi Meshën në sheshin Nënë Tereza në Tiranë. Ai u tha pjesmëarrësve në Meshë - "Frymëzohuni nga bashkëjetesa fetare e shqiptarëve". Papa Françesku u takua edhe me presidentin e Shqipërisë, Bujar Nishani dhe do të vizitojë një jetimore. Papa Françesku tha se Shqipëria është një vend i vogël që ka "qenë i sukseshëm në gjetjen e paqes" mes besimeve të ndryshme. Shqipëria, një shtet ish-komunist, tani është një model i bashkëjetesës ndërfetare. Portrete të mëdha të priftërinjve katolikë dhe murgeshave që janë persekutuar gjatë komunizmit ishin vendosur në Shehin Nënë Tereza. Ringjallja e katolicizmit në Shqipëri është pjesërisht për shkak të popullaritetit të Nënë Terezës, e cila ka lindur në Maqedoni, por ishte me origjinë shqiptare. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |