DEPUTETËT E VLAN NË KUVEND - SEANCA KONSTITUIVE
E Enjte, 10.02.2014, 09:36am (GMT+1)
Po jemi takuar. Jemi të gjithë deputetët ne Kuvend. Jemi në diskutime, ka thënë për KTV-në një nga deputetët e bllokut paszgjedhor, duke mos dhënë shumë detaje për veprime që do të ndërmarrin.
PDK-ja do të mblidhet për të diskutuar pas krijimit të situatës së re, shtyrjes së vazhdimit të seancës konstituive.
"Besoj se po, kah mesdita", ka konfirmuar Memli Krasniqi mbledhjen e kryesisë së PDK-së.
Deputetët e VLAN-it në Kuvend
Të gjithë deputetë e bllokut opozitar VLAN tashmë janë mbledhur në Kuvend. Ata kanë paralajmëruar mbajtjen e seancës konstituive të Kuvendit të shtyrë tash e disa herë nga Partia Demokratike e Kosovës, përkatësisht deputetja e saj Flora Brovina.
Deputetët e VLAN-it mblidhen në ambientet e Kuvendit
Deputetë të Kuvendit të Kosovës nga blloku opozitar VLAN nuk është pajtuar me shtyrjen e e seancës konstituive nga Flora Brovina dhe ka vendosur që vetë të mbajnë mbledhjen e Kuvendit. Deputetët e LDK-së, Vetëvendosjes, AAK-së e Nismës tashmë kanë hyrë në Kuvendin e Kosovës.
Medie të pranishme në Kuvend njoftojnë se ish-kryetari i Kuvendit Jakup Krasniqi, deputetët e LDK-ë, Anton Çuni, Besa Gaxherri si dhe deputetet e VV-se, Albulena Haxhiu e Fisnik Ismajli tashmë janë në ambiente të Kuvendit.
Deputetja e LDK-së, Vjosa Osmani dje ka konfirmuar për Kohën Ditore se deputetët e bllokut LDK-AAK-Nisma dhe ata të Vetëvendosjes do të mblidhen nesër në një takim para orarit të paraparë të seancës konstituive të Kuvendit të Kosovës. Osmani nuk ka dhënë më shumë detaje se çfarë ka ndërmend që të bëjë Blloku.
Sekretari i përgjithshëm i LDK-së, Ismet Beqiri, ka thënë se deputetët i kanë ftesat për seancës e së nesërme dhe nuk kanë ndonjë njoftim zyrtar për shtyrje të seancës.kd
www.voal-online.ch
|