VOAL - Online Zëri i Shqiptarëve | ||||
BOÇKA - VAZHDOJNË PËRPJEKJET PËR VIZITËN E RAMËS NË BEOGRAD E Premte, 10.17.2014, 08:22am (GMT1) Ambasadori i Republikës së Shqipërisë në Beograd, Ilir Boçka, ka thënë sot se "incidenti në stadium ka ndërlikuar atmosferën, por të dyja palët janë duke punuar në realizimin e takimit ndërmjet kryeminstrit shqiptar, Edi Rama, dhe homologut të tij serb, Aleksandar Vuçiq". Më 14 tetor, ndeshja Shqipëri-Serbi në kuadër të kualifikimeve për Kampionatin Evropian të Futbollit më 2016, e cila u mbajt në Beograd, u ndërpre në minutat e fundit të pjesës së parë të lojës, për shkak të tensioneve në stadium. "Jemi duke punuar në realizimin e vizitës. Sipas informacioneve të fundit të Ministrisë së Punëve të Jashtme të Shqipërisë, hapat për realizimin e kësaj vizite pune janë duke vazhduar", ka thënë ambasadori shqiptar, në një takim me mediat serbe. Ai e ka dënuar ashpër, siç ka thënë, dhunën dhe huliganizmin, e ushtruar ndaj futbollistëve të kombëtares shqiptare në stadium. Vizita e zotit Rama në Beograd është paralajmëruar të realizohet më 22 tetor të këtij viti. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |