VOAL - Online Zëri i Shqiptarëve - INCIDENTI NË BEOGRAD, SENATORI MURPHY - SMS VUÇIÇIT QË NESËR TË RIKONFIRMOJË VIZITËN E RAMËS

TIRANË - Senatori amerikan Chris Murphy, kryetar i Marrëdhënieve me Jashtë të Nënkomitetit të Senatit për Çështje Evropiane thekson se i ka dërguar kryeministrit serb Aleksandër Vuçic sms ku i kërkon që ti rikonfirmojë kryeministrit Rama ditën e nesërme vizitën në Beograd.

Pas vizitën në Shqipëri në një deklaratë për mediat Vuçiç u shpreh se ka qenë vetë i pranishëm në Beograd në 14 tetor kur u zhvillua ndeshja e futbollit Serbi-Shqipëri. Ai theksoi se huliganizmi nuk duhet të ndërhyjë në marrëdhëniet mes vendeve.

"Unë isha në Beograd më herët gjatë kësaj jave në ditën kur u zhvillua ndeshja e futbollit. Unë besoj se nuk mund të lejojnë huliganizmin e futbollit që të mund të bjerë ndesh me forcimin marrëdhënieve mes vendeve të këtij rajoni. Jam takuar dhe këtë mesazh ja kam përcjellë këtë mesazh kryeministrit Vuçiç dhe shpresoj që kur të ngrihet nesër më mëngjes të rikonfirmojë ftesën që kryeministri jua të vizitojë atë vend"- u shpreh senatori Murphy.

Më tej ai bëri të ditur se në rastet kur ndodhin probleme të tilla udhëheqësit e dy vendeve duhet të ngrihen dhe të bisedojnë.

"Kur lindin probleme siç ndodhi me këtë ndeshje është e domosdoshme që udhëheqësit të ngrihen dhe të bisedojnë dhe jo të zënë këndet anash. Është e rëndësishme që nëse vazhdon dialogu në rajon, SHBA do qëndrojë krah. Do kthehem në Senatin Amerikan duke inkurajuar më shumë kolegë të mij në senat që të vijnë në Shqipëri ta vizitojnë"- theksoi senatori.

Murphy e cilësoi Shqipërinë si mikun më të mirë të SHBA-së në rajon. "Shtetet e Bashkuara nuk kanë një mik më të mirë në këtë rajon se Shqipëria dhe shpresoj që Shqipëria mos ketë mik më të mirë në botë se SHBA. Qoftë nëse ka qenë fjala për përkushtim dhe angazhimin në Afganistan, Lindjen e Mesme, Shqipëria ka qëndruar përkrah SHBA. Është koha që SHBA të rrisin përkushtimin e tyre në Shqipëri dhe ky është mesazhi që unë do e marr me vete dhe do e çoj në Senatin Amerikan. Por mbeten ende sfida në këtë vend dhe në këtë rajon"- u shpreh Murphy.