VLORË - BIZNESMENI U SHPËTON PLUMBAVE PËR HERË TË 2-të
E Mërkurë, 10.22.2014, 09:43am (GMT+1)
 Qyteti i Vlorës u trondit nga disa të shtëna armësh në zonën pranë bashkisë, mbrëmjen e djeshme. Ngjarja ndodhi rreth orës 23:00, dhe sipas burimeve mësohet se objekt atentati ka qenë një biznesmen ndërtimesh. "Shqiptarja.Com" shkruan se atentati do të kryhej kundër biznesmenit 45-vjeçar Arben Veliko.
Ky i fundit u qëllua në ecje nga një person në automjet, teksa po kthehej në shtëpi i vetëm. Nga goditja me armë u prek vetëm makina e tij, tip "Tuareg", ndërsa 45-vjeçari vazhdoi rrugën në lagjen "Partizani". Automjeti tjetër që e qëlloi, u largua në drejtim të paditur.
Policia ngriti postblloqe për të kapur autorin, ndërsa nisi hetimet për zbardhjen e plotë të ngjarjes. Mësohet se biznesmeni është qëlluar edhe një muaj më parë tek kullat "˜Aleksandria' ku mbeti i plagosur me dy plumba në trup, duke i shpëtuar fatmirësisht atentatit. Ende nuk dihet identiteti i personave dhe numri i atyre që qëlluan në drejtim të Velikos. /Shekulli Onlinewww.voal-online.ch
|
Comments (0)
Dërgoja shokut
Printo
