VOAL - Online Zëri i Shqiptarëve

MES SHQIPTARËVE ORTODOKSË TË ASIMILUAR NË MAQEDONAS E Hënë, 10.27.2014, 10:16am (GMT1) Fshatra të tërë në Rekë të Epërme të Maqedonisë, që dikur flisnin gjuhën shqipe, sot janë braktisur apo janë asimiluar, e megjithatë gjurmët janë ende aty. Një reportazh, që sjell si kurrë më parë të vërtetat e dhimbshme të komunitetit shqiptar ortodoks në Maqedoni, të presionit, dhunës dhe skemave asimiluese për ta detyruar të humb identitetin kombëtar, u transmetua në Top Channel. Ishte një udhëtim mes rrënjëve shqiptare të komunitetit shqiptar ortodoks të Maqedonisë. Për shqiptarët ortodoksë të Maqedonisë flitet pak. Të lënë mënjanë, nën presion të vazhdueshëm dhe përballë skemave përçarëse me shqiptarët myslimanë, shumica u asimiluan, duke krijuar një identitet artificial e të largët nga ai i vërtetë shqiptar. Fshatra të tërë, që dikur flisnin gjuhën e tyre, sot janë braktisur apo janë asimiluar. E megjithatë, gjurmët janë ende aty. Ne do të përpiqemi të ecim përmes tyre, për të sjellë të vërteta ende të pashuara të këtij komuniteti. Fshatra të tërë në Rekë të Epërme, që dikur flisnin gjuhën shqipe, sot janë braktisur apo janë asimiluar, e megjithatë gjurmët janë ende aty. Kamera e TCh eci përmes tyre, për të sjellë të vërtetat ende të pashuara të këtij komuniteti, që shumica e njohin pak ose aspak. TCH: Po shqipen nga e ka mësuar djali juaj? "Shqipen prej nesh. Por, djalit tonë kur i flet shqip nuk të kthen përgjigje. Di shumë mirë, por e kthen përgjigjen maqedonisht". TCH: Ju nga e keni mësuar? "E kemi trashëguar nga brezat". TCH: Në shtëpi keni folur shqip? "Po, edhe nëna prej paraardhësve të vet e ka mësuar". "Të gjithë flasin shqip, por po të gjithë thonë se janë maqedonas. Për më tepër edhe pasardhësit e një rilindësi të madh si Josif Bageri". TCH: Josifi ka qenë shqiptar apo maqedonas? "Maqedonas. Ne të gjithë e flasim gjuhën shqipe, gjuhën e nënës, por jemi maqedonas". Një reportazh që sjellë si kurrë më parë të vërtetat e dhimbshme të këtij komuniteti, të presionit, dhunës dhe skemave asimiluese për ta detyruar të humbë identitetin kombëtar. Një udhëtim mes rrënjëve shqiptare të komunitetit shqiptar ortodoks të Maqedonisë. www.voal-online.ch

Copyright © 2005-2008 Nulled by [x-MoBiLe]. All rights reserved.