VOAL - Online Zëri i Shqiptarëve

NASER RUGOVA - ELEKTORATI I LDKsë ËSHTË KUNDËR KOALICIONIT ME PDKnë E Mërkurë, 11.26.2014, 10:40am (GMT1) Naser Rugova, anëtar i LDK-së, në emisionin "Interaktiv" të KTV-së, ka thënë se votuesit e kundërshtojnë koalicionin me PDK-në, por marrëveshja me partinë e Hashim Thaçit ishte vullneti i Këshillit të Përgjithshëm të partisë së tij. "Elektorati ynë e kundërshton marrëveshjen me PDK-në, por është vullneti i strukturave dhe i forumeve të larta partiake. Këtë e di edhe kryetari i partisë, edhe kryesia, edhe këshilli i përgjithshëm", ka thënë Rugova. "Përkundër mospajtimeve serioze që i ka elektorati me këtë vendim, sepse nuk është koalicion parimor por nuk kemi sesi mos ta respektojmë vendimin e të pranishmëve në Këshill". Ai gjatë emisionit ka thënë se LDK-ja kishte vetëm dy rrugë për të qenë pjesë e qeverisë. Këshilli i përgjithshëm i LDK-së ka qenë i informuar dhe nuk kishte rrugë tjetër. "O ka qenë blloku pas zgjedhor ose PDK-ja", ka theksuar ai. Rugova ka përjashtuar zgjedhjet e jashtëzakonshme si mundësi për të dalë nga ngërçi politikë, pasi sipas tij nga këto zgjedhje nuk do të ishin të favorshme për LDK-në. "Rruga tjetër ishte të shkonim në zgjedhje të jashtëzakonshme dhe bindja ime do të ishte se rezultati nuk do të kishte ndikim të madh dhe LDK-ja do të dëmtohej nga këto zgjedhje", ka thënë ai. Anëtari i LDK-së ka thënë se posti i kryeministrit do t'i takojë partisë së tij sepse LDK-ja nuk mund të drejtohet nga partitë tjera. "Kryeministri duhet t'i takojë LDK-së. LDK-ja është lokomotivë dhe nuk mund të bëhej vagon i askujt". "Është shans i madh i LDK-së që ta tregojë veten si parti serioze dhe mandatare. Duhet të respektojë premtimet elektorale dhe ta ndërtojë një qeveri me njerëz kredibil dhe gjak të ri". www.voal-online.ch

Copyright © 2005-2008 Nulled by [x-MoBiLe]. All rights reserved.