VOAL - Online Zëri i Shqiptarëve

I THONË SE ËSHTË SHTET I DËSHTUAR MAFIOZ - KOUCHNER E MBRON KOSOVËN E Martë, 01.06.2015, 08:50am (GMT1) FRANCË - Ish kryeadministratori i Kosovës dhe dikur ministër i jashtëm i Francës, Bernard Kouchner, është konfrontuar ashpër në një debat në Tv "France 2"³, kur ka folur për Kosovën. Gazetari që ka mbuluar luftën në Kosovë, Aymeric Caron i ka thënë Kouchnerit se Kosova është shtet i dështuar dhe mafioz dhe për krerët e saj ka akuza për trafikim organesh. "Ju jeni i sëmurë", i ka thënë mes tjerash Kouchner duke iu përgjigjur. "Si mund të imagjinoni trafikim organesh në një vend ku spitalet nuk kanë pasur rrymë?", ka thënë i nervozuar Kouchner. Ai ka thënë se ishte vetë Parlamenti kosovar që kërkoi hetime pas raportit të Këshillit të Evropës. Gazetari Caron ka ngritur pikëpyetje për nevojën e bombardimeve në vitin 1999, dhe madje ka pohuar se pos Putinit këtë e kundërshtonte edhe Ibrahim Rugova. "Kjo nuk është aspak e vërtetë", ka thënë Kouchner. "Ne kemi intervenuar sepse në Kosovë zhvilloheshin masakra kundër popullatës civile". "Të gjithë kanë qenë pro sepse kishte luftë permanente kundër shqiptarëve të Kosovës. E kemi bombarduar Serbinë dhe mirë kemi bërë. Nuk është e vërtetë që Rugova ka qenë kundër, përkundrazi, ka qenë i pari që fuqishëm na ka përkrahur për bombardime. Pala kosovare ka qene unanime për intervenim", ka thënë ish-kryeadministratori, transmeton Koha.net. Sipas Kouchner, Putinin Perëndimi e kishte paralajmëruar se nuk do të lejonin largimin masiv të kosovarëve dhe vazhdimin e torturave dhe masakrave. Diplomati francez ishte në emisionin e "France 2" për të promovuar librin e tij. www.voal-online.ch

Copyright © 2005-2008 Nulled by [x-MoBiLe]. All rights reserved.