VOAL - Online Zëri i Shqiptarëve

SHTATË TË ARRESTUAR NË FRANCË PAS SULMIT TË SË MËRKURËS E Enjte, 01.08.2015, 01:27pm (GMT1) Autoritetet janë vënë në kërkim të të dyshuarve për vrasjen e 12 personave në sulmin e së mërkurës në revistën Charlie Hebdo në Paris Autoritetet franceze thanë se shtatë persona  janë  arrestuar gjatë kërkimeve për dy të dyshuarit për sulmin e së mërkurës që la pas vetes 12 të vrarë në selinë e revistës satirike Charlie Hebdo në Paris. Kryeministri francez, Manuel Valls, i tha radios RTL të enjten se parandalimi I një sulmi të dytë të mundshëm është shqetësimi kryesor i qeverisë. Derisa një 18 vjeçar me emrin Hamyd Mourad, u është dorëzuar autoriteteve të mërkurën vonë, policia po vazhdon kërkimin e vëllezërve Said dhe Sherif Kouachi. Të dy janë të moshës mbi 30 vjeçare dhe banorë të Parisit. Sherifi më herët kishte qenë i burgosur me akuza për terrorizëm. Policia identifikoi të dyshuarit pasi që gjeti letërnjoftimin e njërit prej tyre në makinë  që ata e kishin shfrytëzuar për të ikur pas vrasjeve të së mërkurës në zyrën e revistës së përjavshme satirike e njohur për karikaturat që herë pas here shpotisnin ekstremizmin mysliman. Flamujt janë vënë në gjysmështizë në Francë ku sot është ditë zie. www.voal-online.ch

Copyright © 2005-2008 Nulled by [x-MoBiLe]. All rights reserved.