VETËVENDOSJE - NJË GRUP I VOGËL PROTESTUESISH KA BËRË VEPRIME ME TË CILAT NE NUK PAJTOHEMI
E Djelë, 01.25.2015, 09:48am (GMT+1)
 Voal-online.ch - PRISHTINË - Vetëvendosje dje përmes një komunikate ka dënuar veprimet e një grupi të vogël protestuesish që nuk e kanë respektuar skenarin e përcaktuar nga organizatorët e protestës.
Ja çfarë thuhet në reagim:
Lëvizja VETËVENDOSJE! Reagim
Në protestën tonë të organizuar për sot ne i kemi dhënë ultimatum Isa Mustafës që brenda 48 orëve, pra deri në ora 16 të së hënës ta shkarkojë Jabllanoviqin dhe ta sjellë në Kuvend Ligjin që e shndërron Trepçën në ndërmarrje të veçantë publike, për të cilën vendimet i merr Kuvendi i Republikës së Kosovës. Me këtë ultimatum ka përfunduar protesta e organizuar nga Lëvizja VETËVENDOSJE! dhe Thirrjet e Nënave.
Ato që kanë ndodhur jashtë marshit dhe skenarit për të cilin ishim dakorduar nuk janë pjesë e protestës. Një grup i vogël njerëzish në protestë nuk e kanë respektuar skenarin tonë dhe kanë ndërmarrë veprime me të cilat nuk pajtohemi. Po ashtu dënojmë ashpër dëmtimin e lokaleve private në shesh.
Gjithashtu, duam të potencojmë që dy protestuesit e arrestuar nga Policia e Kosovës nuk janë aktivistë të Lëvizjes VETËVENDOSJE!.
24 janar 2015 Lëvizja VETËVENDOSJE!www.voal-online.ch
|
Comments (0)
Dërgoja shokut
Printo
