Gazetari i KTV-së ka raportuar të ketë parë një polic
duke e tërhequr zvarrë kolegët e tij pasi kishte pësuar lëndime të
rënda. Ndërkaq, më parë, në bazë të pamjeve të KTV-së, është parë të
ketë ndodhur së paku një arrestim nga Policia e Kosovës. Ai u fut brenda ndërtesës së Qeverisë.
_______________________________
Policia shpërndan protestuesit me gaz lotsjellës
(13:25) - Gaz lotsjellës ndaj protestusve është
përdorur për të shpërndarë turmat që po tentonin të thyenin kordonin e
Policisë dhe të depërtonin tek rrethojat e ndërtesës së qeverisë.
Në pamjet e KTV-së nga protesta, shihet teksa policia ka ndihmuar një protestues të prekur nga gazi lotsjellës
_____________________________
Nis përleshja mes protestuesve dhe Policisë - gaz lotsjellës ndaj protestuesve
(12:45) - Pas ultimatumit të dhënë nga Vetëvendosje
për heqje të barrikadave nga policia prej 15 minutash, dhe pas
përfundimit të këtij afati, protestuesit kanë nisur të përleshen me
policinë.
Ata kanë nisur të hedhin gjësende në drejtim të forcave të rendit që
janë pozicionuar para ndërtesës së qeverisë, ndërsa këta të fundit nuk
kanë ndërhyrë.
Protestuesit kanë thyer një pjesë të barrikadës, mirëpo, menjëherë policia ka ndërhyrë për të bllokuar qasjen e tyre.
Vetëvendosje i ka bërë thirrje policisë që të mos i sulmojë qytetarët.
Pak sekonda më parë, ka nisur edhe prëdorimi i gazit lotsjellës nga
ana e Policisë, për shkak se protestuesit dhunshëm tentuan të thyenin
kordonin e policisë.
______________________________
Vetëvendosje ultimatum Policisë për heqjen e rrethojave [video]
(12:28) - Vetëvendosje i ka bërë thirrje Policisë së
Kosovës që t'i heq rrethojat për 15 minuta dhe të futet brenda grilave
të objektit të Qeverisë pasi që, siç tha Dardan Molliqaj, protesta do të
jetë e qetë.
______________________________
Nëna e dëshmorit falënderon pjesëmarrësit në protestë
Sanije Berisha, nëna e një dëshmori nga Gjakova, ka folur në emër të
organizatës "Thirrjet e Nënave", duke thënë se i vjen mirë që ka kaq
shumë nëna dhe pjesëmarrës tjerë në këtë protestë kundër fjalëve të
Jabllanoviqit.
© KOHA.net
___________________________
Vetëvendosje me binë të improvizuar në shesh
(12:13) - Lëvizja Vetëvendosje ka sjellë një binë të
improvizuar në një kamionetë pasi që, siç u raportuar më herët nga vetë
kjo Lëvizje, Policia ua kishte konfiskuar pajisjet dhe kishe bllokuar
ndërtimin e binës në sheshin "Skënderbeu".
© KOHA.net
________________________________
Nis tubimi i protestuesve [video]
Protestuesit e thirrur nga Lëvizja Vetëvendosje për të marrë pjesë në
tubimin e organizuar në shesh kundër Jabllanoviqit dhe për "Trepçën",
kanë nisur të vijnë në mënyrë të organizuar.
Protestuesit po marshojnë me thirrje të ndryshme, si: "UÇK", "Trepça", "Mitrovica", "Isën e japim, Trepçën s'e Japim", etj..
Koha.net ju sjell disa video.