SHBA E MIRËPRESIN VENDIMIN PËR TOM DOSHIN
E Hënë, 03.02.2015, 06:37pm (GMT+1)
Në një deklaratë të lëshuar nga Ambasada Amerikane në Tiranë, thuhet se Shtetet e Bashkuara e mirëpresin vendimin e Partisë Socialiste për të përjashtuar Z. Tom Doshi, i cili pretendohet se është përfshirë në veprimtari kriminale.
Shtetet e Bashkuara, thuhet në deklaratë, e marrin seriozisht kërcënimin e krimit dhe korrupsionit ndaj shoqërive të lira dhe demokratike. Deklarata u bën thirrje të gjitha partitë politike në Shqipëri të largojnë individët e përfshirë në veprimtari kriminale apo korruptive.
Aty i bëhet thirrje gjithashtu Prokurorit të Përgjithshëm të hetojë dhe ndjekë penalisht kriminelët dhe zyrtarët e korruptuar në të gjitha nivelet.
Delegacioni i Bashkimit Evropian në Shqipëri bëri një thirrje të ngjashme.zawww.voal-online.ch
|
Comments (0)
Dërgoja shokut
Printo
