VOAL - Online Zëri i Shqiptarëve

AMBASADORJA JACOBSON - RAJONI BASHKËRISHT TË LUFTOJË KRIMIN DHE TERRORIZMIN E Mërkurë, 04.22.2015, 04:49pm (GMT1) Krimi i organizuar ndërkufitar, emigrimet dhe pjesëmarrësit në luftërat e huaja, mbeten shqetësuese për sigurinë e Ballkanit Perëndimor, ka deklaruar sot ambasadorja amerikane në Prishtinë, Tracey Ann Jacobson. Këto komente ajo i ka bërë gjatë konferencë në Pishtinë, të organizuar nga Programit Ndërkombëtar i Asistencës për Trajnime në Hetimet Penale [ICITAP], e cila funksionon në kuadër të Departamentit amerikan të Drejtësisë.  Në konferencë po marrin pjesë drejtorët e përgjithshëm të policive nga Kosova, Shqipëria, Serbia, Mali i Zi, Bosnja e Hercegovina, Kroacia dhe Maqedonia. "Në këtë rajon, në veçanti shqetësuese mbetet çështja e krimit të organizuar ndërkufitar, ajo e migrimimeve të paligjshme... Së fundi, janë shqetësuese po ashtu edhe tendencat e luftëtarëve pjesëmarrës në luftërat e huaja në Siri dhe Irak për t'u kthyer në Ballkanin Perëndimor, si dhe përpjekja për joshjen e të rinjve me ideologjitë ekstremiste", ka deklaruar Jacobson. E vetmja mënyrë që parandalon, por edhe i lufton këto krime komplekse, ka thënë ambasadorja amerikane, është bashkëpunimi ndërshtetëror në rajon, siç ishte organizimi i këtij programi. Për këtë qëllim, ajo tha se në takim po marrin pjesë edhe ekspertët nga Byroja Federale e Hetimeve [FBI], të cilët do t'u ofrojnë krerëve të policisë dhe prokurorive të shteteve të rajonit përvojat e tyre për ballafaqimin me krime të tilla. rel www.voal-online.ch

Copyright © 2005-2008 Nulled by [x-MoBiLe]. All rights reserved.