VOAL - Online Zëri i Shqiptarëve | ||||
Bakojanis viziton kreun e Tiranës, premton përkrahjen greke E Hënë, 02.09.2009, 03:14pm (GMT1) Voal-online -Në cilësinë e kryetares së radhës të OSBE-së sot vizitoi kreun e Tiranës Ministrja e Jashtme e Greqisë Dora Bakojanis. Vizitën e filloi me kryediplomatin shqiptar Lulzim Basha. Në konferencën e përbashkët për shtyp, dhënë pas takimit doli se temë kryesore ka qenë zhvillimi i zgjedhjeve të 28 qershorit. Bakojanis garantoi vëzhgim sa më të thellë nga ana e OSBE-s dhe premtoi ndihmën e Greqisë në rrugën e anëtarësimit të Shqipërisë në BE dhe NATO. E pyetur nga gazetarët për pronat çame, Bakojanis tha: "Çështja e pronave të shqiptarëve në Greqi është tashmë çështje e drejtësisë. Drejtësia do të vendosë për këtë çështje". Në takimin me kryeministrin Berisha është trajtuar edhe tema e ligjit të lustracionit. Berisha e ka garantuar bashkëbiseduesen se vendi do të zhvillojë zgjedhje të lira e të ndershme, ndërsa ligji i lustracionit do të zbatohet në përputhje të plotë me parimet e shtetit ligjor dhe standardet e Strasburgut dhe se qeveria shqiptare do ta vlerësonte maksimalisht ne rast se ekspertë çekë te ligjit te lustracionit do te mund te vinin ne Shqipëri për të ndihmuar për zbatimin e tij. Zonja Bakojanis shprehu sigurinë e saj se qeveria shqiptar do të zhvillojë zgjedhje të mira e të ndershme. Ajo theksoi se lustracioni, si një çështje e rëndësishme që ka të bëjë me moralin e shoqërisë, gjen mirëkuptim nga të gjithë është dakord të kërkojnë ndihmën e një grupi ekspertësh. Më tej, të dy personalitetet vlerësuan marrëdhëniet mes Shqipërisë dhe Greqisë si të shkëlqyera. Ministrja Bakojanis i garantoi Kryeministrit Berisha se Greqia do të ratifikojë gjatë javës që vjen protokollin e anëtarësimit të Shqipërisë në NATO. Kryeministri Berisha garantoi zonjën Bakojanis se investimet greke kanë përkrahjen e plotë të qeverisë shqiptare. Bakojanis i tha Berishës se qeveria greke është shumë e interesuar të nxisë investimet greke në Shqipëri dhe në këtë kontekst, ajo tha se programi i ndihmës ekonomike greke do të financojë, përmes një granti, të gjitha rrugët rurale që lidhin rrugën Konispol - Sarandë me komunat përreth. "Kryesimi ynë i OSBE-së për vitin 2009 do të sjellë përfitime si për Ballkanin Perëndimor në tërësi, ashtu edhe për Shqipërinë në veçanti," tha ajo. "Për Greqinë do të ishte një sukses i madh nëse deri në fund të këtij viti deri në fund të kryesisë greke rajoni ynë do të ishte një rajon evropian më i begatë dhe më i qëndrueshëm." Në takimet me partitë politike në Tiranë, Bakojanis theksoi nevojën për të forcuar më tej mbrojtjen e të drejtave të njeriut, shtetin e të drejtës dhe luftën kundër korrupsionit. Ajo e mirëpriti debatin politik konstruktiv që është zhvilluar në vend. "Klima pozitive e konsensusit politik për reformat më kryesore në Shqipëri e ka forcuar stabilitetin politik," u shpreh ajo. "Është e domosdoshme që kjo tendencë të ruhet dhe të vazhdohet me zbatimin e reformave kyçe nëpërmjet krijimit të konsensusit. Për të vazhduar në rrugën drejt integrimit Euroatlantik, Shqipëria duhet të përparojë me reformat e saj në legjislacion dhe në gjyqësor, si dhe në fushën e pronave, zgjedhjeve dhe administratës si dhe duhet të punojë për rritjen e kapaciteteve parlamentare, anti-trafikimin dhe anti-korrupsionin," u shpreh Bakojanis. |
||||
Copyright © 2005-2008 Nulled by [x-MoBiLe]. All rights reserved. |