QIK- Vetëm një qëndrim unik i Bashkimit Evropian, i kombinuar me deklarimin se anëtarësimi në BE për Serbinë do të jetë i pamundur derisa të mos zgjidhet problemi i Kosovës në tërësi, mund të rezultojë me ndryshim qëndrimesh, si te serbët e zakonshëm ashtu edhe te qeveria e tyre. Kështu pohojnë në një artikull të përbashkët Marti Ahtisari, Volfgang Ishinger dhe Albert Rohan, ish ndërmjetësues për Kosovën. Në anën tjetrër, shkruajnë ata, Kosovës i duhet një perspektivë e qartë evropiane dhe ndihma për të kapërcyer sfidat e mëdha me të cilat përballet. Ahtisari, Ishinger dhe Rohan paralamërojnë që të mos mashtrohet askush me paqen relative që mbizotëron në Koosvë, duke shtuar se tragjeditë e fundit në Ballkan kanë treguar se problemet e pazgjidhura herët a vonë kthehen në konflikt të hapur, dhe se nuk ka kohë për të humbur, porosisin ata.