Voal-online E marta (sot) do të jetë një mëngjes i madh për ish Kongresmenin e New York-ut Joe DioGuardi, i cili pritet të shpallë hyrjen e tij në garë për një vend në Senatin e SHBA, i cili mbahet nga Kirsten Gillibrand.
DioGuardi pritet të jetë në emisionin televiziv të mëngjesit Fox & Friends në orën 8:20, përpara se të shkojë në Grand Central Station për një konferencë zyrtare shtypi.
Një financier konservator i cili e parashikoi krizën kombëtare të borxheve, DioGuardi ishte i pari financier publik i certifikuar i zgjedhur në Kongres gjatë viteve 1980, kur ai përfaqësoi rrethinat e New York City për dy mandate.
Javët e fundit, fjalimet e zotërisë DioGuardi iu kanë kërkuar amerikanëve të ndërmarrin verpime në përmirësimin e përgjegjshmërisë financiare, duke reformuar mënyrën e trajtimit të buxhetit federal dhe të financës, si dhe duke shkurtuar borxhin kombëtar.
Vajza e tij e famshme, anëtare e jurisë së American Idol, Kara DioGuardi, kohët e fundit tha për gazetën New York Post se ajo e përkrah babain e saj dhe shtoi se "ai ka më shumë energji se çdokush tjetër që unë njoh. Dhe kur i vihet punës, ai është një Superman."
(http://nationaltownhallmeeting.org)