VOAL - Online Zëri i Shqiptarëve | ||||
SHBA përshëndesin përparimin e bërë nga Kosova E Mërkurë, 02.18.2009, 07:31am (GMT1) Zëri i Amerikës - Shtetet e Bashkuara përshëndetën dje përparimin e bërë drejt forcimit të demokracisë në Kosovë, e cila dje mbushi përvjetorin e parë si shtet i pavarur. Megjithatë, thanë zyrtarët, ata nuk po përpiqen të mbulojnë problemet në Kosovë, e cila ende nuk njihet nga shumë vende. Z. Duguid e përshëndeti bashkëpunimin e qeverisë së Kosovës me EULEX-in dhe me agjencitë e tjera ndërkombëtare atje. Ai tha bse komuniteti botëror është i gatshëm të japë mbështetje për shtetin e ri për sa kohë që kjo ndihmë do të kërkohet. Ai tha se Sekretarja e Shtetit, Hillary Clinton do të presë më 26 shkurt në Departamentin e Shtetit Presidentin e Kosovës, Fatmir Sejdiu dhe Kryeministrin Hashim Thaçi për të riafirmuar premtimin e Shteteve të Bashkuara për miqësi dhe mbështetje ndaj shtetit të ri.
Z. Duguid tha se 54 vende, duke përfshirë një shumicë të gjerë vendesh të Bashkimit Europian, NATO-s dhe OSBE-së, e kanë njohur Kosovën. Si Serbia ashtu edhe aleatja e saj kryesore politike nuk e pranojnë pavarësinë ndërkohë që shteti i ri vuan nga papunësia e lartë dhe probleme të krimit. Megjithatë, z. Duguid theksoi se Kosova është në rrugën drejt stabilitetit: "Ekzistojnë probleme historike për të cilat ne të gjithë kemi qenë dëshmitarë, që shumë prej nesh i kuptojnë. Një shtet nuk ndërtohet për një periudhë të shkurtër kohe. Por nëse e ketheni kokën pas për të parë se ku ishim 10 vjet më parë, mendoj se nuk ka dyshim që Kosova është tani më e qendrueshme dhe është në rrugën e krijimit të demokracisë shumetnike. Megjithatë, probleme mbeten. Askush nuk mund t'i mbulojë dot problemet që ende ekzistojnë," tha zëdhënësi. Z. Duguid e përshëndeti bashkëpunimin e qeverisë së Kosovës me EULEX-in dhe me agjencitë e tjera ndërkombëtare atje. Ai tha bse komuniteti botëror është i gatshëm të japë mbështetje për shtetin e ri për sa kohë që kjo ndihmë do të kërkohet. Ai tha se Sekretarja e Shtetit, Hillary Clinton do të presë më 26 shkurt në Departamentin e Shtetit Presidentin e Kosovës, Fatmir Sejdiu dhe Kryeministrin Hashim Thaçi për të riafirmuar premtimin e Shteteve të Bashkuara për miqësi dhe mbështetje ndaj shtetit të ri. Voal-online. |
||||
Copyright © 2005-2008 Nulled by [x-MoBiLe]. All rights reserved. |