Euleksi deri në mbarim të dimrit edhe në veri të Kosovës
E Shtunë, 02.21.2009, 08:27am (GMT+1)
Voal-online Kreu i misionit civil europian në Kosovë (Eulex), Yves de Kermabon, ka thënë se Eulex do të arrijë veprimin e plotë para mbarimit të dimrit, duke nënvizuar se misioni tashmë ka arritur rezultate të veçanta në sektorët e policisë dhe të doganave. Duke folur në Prishtinë në kuadrin e një mbledhjeje të këshillit të bashkërendimit për shtetin e së drejtës në Kosovë, de Kermabon ka shtuar se misioni europian është duke i rritur rradhët e tij, të cilat janë tashmë 1600, me të cilët bashkëpunojnë 800 të punësuar nga Kosova. Prania e gjyqësore e Eulex ka pohuar de Kermabon është vendosur deri tani në të gjitha rajonet e Kosovës, me përjashtim të veriut të Kosovës, pjesë e qytetit me popullsi serbe. Yves de Kermabon ka thënë ndër të tjea se po vazhdon rregullisht kalimi i rasteve gjyqësore nga përgjegjësia e UNMIK-ut tek përgjegjësia e Eulex. Misioni Eulex që ka filluar zyrtarisht në dhjetor është paracaktuar ta zëvendësojë UNMIK-un që është ende i pranishëm sidomos në rajonet e Kosovës ku serbët janë shumicë.
|