VOAL - Online Zëri i Shqiptarëve | ||||
Tragjedia e avionit turk: Nëntë viktima e 50 të plagosur, 25 prej tyre rëndë E Mërkurë, 02.25.2009, 04:40pm (GMT1) Voal-online Nëntë viktima dhe 50 të plagosur, prej të cilëve 25 në mënyrë të rëndë. Ky është bilanci i dhënë nga autoritetet aeroportuale hollandeze për avionin e linjes Turkish Airlines rrëzuar në fazën e zbritjes në afërsi të aeroportit hollandez Schiphol. Në bord ishin 135 veta, udhëtarët dhe ekuipazhi. Avioni, nisur pak pas orës 8:00 të mëngjesit nga Stambolli për në Amsterdam, është copëtuar në tri pjesë pas zbritjes. Sipas gazetës hollandeze De Telegraaf, në momentin e përplasjes kanë vdekur të dy pilotët. Nuk dihet ende arsyeja e aksidentit. Para rrëzimit nuk është dhënë asnjë alarm. Një nga të mbijetuarit ka thënë: "Po zbritnim normalisht kur kemi vënë re një shtëllungë ajri. Avioni ka humbur kontrollin dhe ka ndodhur përplasja. E gjitha ka zgjatur nja katër e pesë sekonda dhe jemi gjendur në një livadh." "Piloti sapo kishte njoftuar se për 15 minita do të zbritnim në aeroport, por jemi rrëzuar nja shtatë tetë minuta pas njoftimit," ka shtuar ai. |
||||
Copyright © 2005-2008 Nulled by [x-MoBiLe]. All rights reserved. |