E Enjte, 03.28.2024, 08:22pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
LAJMI I FUNDIT
 

"The Guardian": PËR KOSOVARËT BLAIR ËSHTË HERO I VËRTETË

Nga HASHIM THAÇI, kryeministër i Republikës së Kosovës


E Premte, 09.03.2010, 10:28am (GMT+1)

Nëntë fëmijët nga Kosova, të cilët mbajnë emrin e ish kryeministrit britanik, Tony Blair.

"Arritjet e Tony Blair mund të nënvlerësohen në Britani, por roli i tij për pavarësinë tonë e bënë atë një kolos politik në Kosovë".

"Mbreti ka vdekur, rroftë mbreti" është një frazë për monarkinë, por tingëllon e vërtetë edhe në demokracinë moderne. Disa në Britani duken të kenë harruar se Tony Blair e udhëhoqi vendin e tyre në skenën botërore për 10 vjet të tëra dhe për më tepër, ata i dhanë atij mandat të madh që ta bënte këtë në tri raste. Si kryeministër i shtetit më të ri në Evropë, unë kam pasur fat të ndjej mbështetjen e paluhatshme nga qeveritë që pasuan Blairin, si nga Gordown Brown ashtu edhe nga David Cameron. Por, nga aspekti personal, s'kam si të mos krijoj përshtypjen se energjia e jashtëzakonshme dhe arritjet e konsiderueshme të Blair tani po nënvlerësohen në vendin e tij.

Duke pasur parasysh rolin tepër të madh që Blair luajti në mbështetje të vendit tim për farkimin e pavarësisë së tij, shpresoj se libri i tij jo vetëm që do të sjellë një perspektivë personale mbi disa ngjarje të rëndësishme globale, por do t'ua kujtoj njerëzve pse ata e admiruan këtë njeri në radhë të parë. Pushteti politik nuk është fare madhërues. Ekziston diçka thellësisht përulëse rreth shërbimit publik dhe besimit që një komb vendos mbi një individ të cilit i beson të udhëheqë. Blair e din këtë. Ndërkohë, përderisa Kosova kërkon të konsolidojë pozitën e saj në skenën evropiane, sjellja dhe zotimi i Tony Blair është një shembull i fuqishëm për mua personalisht dhe ne të gjithë në Kosovë i kemi borxh të madh atij dhe popullit britanik.

Ndonëse ne shpallëm pavarësinë para dy vjetësh, u desh deri muajin e kaluar (22 korrik) që Gjykata Ndërkombëtare e Drejtësisë përfundimisht të ratifikonte Kosovën si një shtet sovran dhe të pavarur. Shumica vendimtare prej 10 me katër gjeti se shpallja jonë e pavarësisë nuk e shkelte të drejtën ndërkombëtare ose rezolutën 1244 të Këshillit të Sigurimit të OKB-së, e as që ishte në kundërshtim me kornizën kushtetuese të themeluar nga OKB për të udhëhequr stabilizimin e përkohshëm të Kosovës. Çka është me rëndësi thelbësore, Gjykata rikonfirmoi vendin e Kosovës në bashkësinë ndërkombëtare, diçka që 69 vende veçse e kanë njohur.

Me që na duhen më shumë njohje për të siguruar një ulëse në Asamblenë e Përgjithshme të KB, unë i ftoj të gjitha ato shtete të cilat nuk e kanë njohur ende Kosovën që ta bëjën një gjë të tillë. Unë i jam mirënjohës qeverisë aktuale britanike për përpjekjet e saj konstruktive për t'i mundësuar Kosovës të zërë vendin e saj mes kombeve të tjera. Veç kësaj, Tony Blair po bën përfaqësime të ngjashme në vendet e njëjta në emër tonin.

Kosovarët nuk arritën lehtë deri te vendimi për të shpallur pavarësinë, ose thjesht nëpë një vakuum politik. Në të vërtetë, siç e ka vërtetuar edhe GJND, rrethanat që kanë shpënë tek shpallja e pavarësisë së Kosovës ishin unike. Ngushtësia e vendimit të gjykatës në këtë çështje duhet të sigurojë çdo vend që ka ngurruar të njohë Kosovën deri më sot. Shpallja jonë nuk ka caktuar asnjë precedent dhe se çdo sugjerim se vendimi i Gjykatës hapë kutinë e Pandorës është i gabuar. Vendet të cilat ende e kundërshtojnë sovranitetin tonë, vetëm nga shqetësimet secesioniste brenda kufijve të tyre, duhet ta pranojnë këtë.

Qeveria e Serbisë sot ka një përbërje të ndryshme nga ajo që terrorizoi popullin tim para 11 vjetësh. Megjithatë, disa elemente me ndikim brenda saj ende po përpiqen të gjejnë vrima në vendimin e GJND-së duke shpresuar në miratimin e një rezolutë tjetër të Asamblesë së KB për të kundërshtuar statusin e Kosovës. Pyetja ligjore rreth pavarësisë së Kosovës është shtruar dhe përgjigja e gjykatës ishte e qartë. Qeverisë së Serbisë mund t'i mos ketë pëlqyer përgjigja që ka marrë nga Gjykata, por nëse ajo aspiron të bëhet pjesë e familjes më të madhe evropiane, me siguri se duhet të pranojë sundimin e ligjit.

Sinqerisht, kosovarët e shohin vendimin si një mundësi për të lënë të kaluarën prapa dhe për të ecur para me të gjitha vendet e Ballkanit, përfshirë edhe Serbinë, drejt integrimit të vërtetë Euro-Atlantik. Vendi im është i gatshëm të bashkëpunojë me Serbinë për të diskutuar çështjet praktike të cilat do të përmirësonin jetën e të gjithë qytetarëve tanë. Ne jemi fqinjë dhe përballemi me sfida të njëjta. Forcat tona policore duhet të punojnë së bashku për të luftuar kërditë e krimit ndërkombëtar. Të dy vendet tona duhet të bashkëpunojnë për çështje praktike si energjia, telekomunikacioni dhe arsimi. Ne kemi interes të përbashkët të punojmë së bashku për të identifikuar fatin e personave të pagjetur si shqiptarë ashtu edhe serbë nga periudha e dhimbshme e luftës të cilën të dy vendet e kemi përjetuar.

Fqinjët tanë serbë mund të mos jenë ende të gatshëm të pranojnë pavarësinë e Kosovës, por bashkëpunimi mes dy shteteve të pavarura është i pashmangshëm. Ndërkohë, Kosova do të vazhdojë të përparojë mbi themelet e vëna që nga viti 2008. Ne do të përfundojmë jetësimin e Planit të Ahtisaarit tashmë të mishëruar në Kushtetutën tonë të re me garanci të gjera për një shoqëri laike që mbron të drejtat e pjesëtarëve të të gjitha grupeve etnike në Kosovë, përfshirë edhe të serbëve. Ne do të vazhdojmë të forcojmë institucionet tona demokratike dhe do të marrim vendimet e nevojshme për të kultivuar rritjen ekonomike afatgjate me sektorin privat në ballë.

Ka mbetur shumë për të bërë, por Kosova veçse është e hapur për investime, biznes dhe turizëm. Siç theksoi Tony Blair në fjalimin e tij në Kuvendin tonë në korrik: "Tashmë ju keni një ëndërr. Që një ditë, Kosova të zërë vendin e saj si anëtare e Bashkimit Evropian, si një shtet i pavarur e krenar, që nuk drejton vetëm çështjet e veta të brendshme, por që luan rolin e vet në unionin më të madh politik dhe komercial të botës."

Po, Kosova do të vazhdojë me reformat e nevojshme për të siguruar vendin që meriton në OKB, në NATO dhe në BE, dhe ne jemi të kënaqur që z. Tony Blair vazhdon të përkrahë kauzën tonë. Roli i tij në historinë e Kosovës do të njihet si një shembull i rëndësishëm i një trashëgimie të madhe. Kosova e ka nderuar atë me Medaljen e Artë të Lirisë dhe kosovarët gjithmonë do ta kujtojnë si një nga heronjtë e vet.

HASHIM THAÇI


Rating (Votes: )   
    Comments (0)        Dërgoja shokut        Printo


Other Articles:
TIRANË: SHBA I DHUROI SHQIPËRISË TRI ANIJE PATRULLUESE (09.03.2010)
SKËNDER HYSENI: PROJEKTREZOLUTA SERBE PËR KOSOVËN NUK DO TË KALOJË NË ASAMBLENË E PËRGJITHSHME (09.02.2010)
KOSOVA UDHËHEQ CEFTA-n MË 2010? (09.02.2010)
KUVENDI I KOSOVËS MBAJTI SEANCË SOLEMNE PËR NDER TË NËNË TEREZËS (09.02.2010)
DOLI NUMRI 60 I "NACIONAL", GAZETË JAVORE LETRARE, KULTURORE, POLITIKE (09.02.2010)
FOTOLAJM: PRESIDENTI OBAMA PËRSHËNDETET ME KËTË VOGËLUSH, GJATË TAKIMIT ME USHTARËT E KTHYER NGA LUFTA NË IRAK (09.02.2010)
THIRRJE PËR TËRHEQJEN E REZOLUTËS (09.02.2010)
BYHLER MERR KOMANDËN E KFOR-it (09.01.2010)
LIBRI I TONI BLERIT DEL NË SHITJE SOT (09.01.2010)
KOMANDANTI I RI I KFOR-it MERR DETYRËN (09.01.2010)



 
::| Lajme të fundit
::| Kalendari
Mars 2024  
D H M M E P S
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
 
::| Hot News
KLIKONI NË WWW.VOAL.CH - ZËRIN E SHQIPTARËVE NË NJË DIZAJN TË RI - WWW.VOAL.CH  -  VOAL
80 TË RINJ AMERIKANË E MBAJTËN PARA KUVENDIT KONCERTIN ME KËNGË PATRIOTIKE SHQIPTARE
80 AMERIKANË KËNDOJNË SOT PARA KUVENDIT TË SHQIPËRISË KËNGË PATRIOTIKE SHQIPTARE
PROTESTA SOT NË SHKUP - TË DORËHIQET QEVERIA NË TËRËSI
NËNKRYETARI I PARLAMENTIT EVROPIAN KËRKON DORËHEQJEN E GRUEVSKIT
DEPARTAMENTI AMERIKAN I SHTETIT - NDJEKIM NGA AFËR SITUATËN NË MAQEDONI
MAQEDONIA NGRE TRIDHJETË AKUZA PËR TERRORIZËM
LUBOMIR FËRÇKOSKI - QEVERIA NË SHKUP PO NXIT TENSIONET NDËRETNIKEFërçkoski - Konflikti në Maqedoni s'ka të bëjë me “Shqipërinë e Madhe”
MANIFESTIM SPONTAN NË TIRANË 'KUMANOVË NUK JE VETËM'
MUSTAFA - 700 SHQIPTARË NGA MAQEDONIA JANË ZHVENDOSUR NË PRESHEVË

 
VOAL
[Shko lart�]