Evropa e Lirë - Dhjetra protestues serbë dhe tetë pjesëtarë të policisë së Kosovës janë lënduar lehtë në përleshjen e sotme në fshatin Shillovë të komunë së Gjilanit, e cila u organizua për shkak të ndërprerjes së furnizimit me energji elektrike. Policia tha se rreth 200 serbë protestuan për të tretën ditë me radhë, duke u përpjekur që të bllokojnë rrugën kryesore, e cila çon në drejtim të Prishtinës. Zëdhënësi i policisë tha se kur policia u përpoq t'i pengojë të bllokojnë rrugën, protestuesit i gjuajtën policët me gurë dhe shishe. Korporata Energjetike e Kosovës tha se reduktimet janë bërë për shkak të fakturave të papaguara të energjisë elektrike, disa nga të cilat janë nga viti 1999. Voal-online.

Voal-online – Kryetari i partisë Aleanca për Kosovën e Re (AKR), Bexhet Pacolli ka deklaruar se shteti arab i Katarit do të njohë shumë shpejt Kosovën e pavarur. Bexhet Pacolli po merr pjesë në Konferencën e Ligës Arabe që po zhvillohet në nivelin e ministrave të jashtëm në Doha, kryeqytetin e këtij vendi. Pacolli konfirmoi se njohja nga Katari është shumë e rëndësishme për Kosovën dhe ajo do të jetë fillim i procesit të njohjes së Kosovës së pavarur dhe sovrane nga vendet e tjera arabe. Me kushtetutën e vitit 2005 garantoi lirinë e shprehjes, të grumbullimeve, të fesë, duke u bërë paraprirës i shumë zhvillimeve modernizuese në botën arabe. Katari është qendër e shumtë takimeve ndërkombëtare të natyrës ekonomike, politike, kulturore e tjerë.

Simjet për të parën herë/ mimozat në dorën e nji vashe i pashë/ qetsisht tue marrun frymë si në degë./ Mimozat erdhën tue pru me vehte/
ngjyrën e ditve të blera,/ afshin e zemrave që rriten nga nji fije/ për ditë, përshpëritjet e egra e të lehta/ të atyne që shkelën në prakun e jetës
me kambe të dyshimta, me frigë./ Me duer tona të vrashta,/ të zanuna me sende tjera,/ s'kemi si me u përkitë/ dhe aroma juej humb në erën/ e luleve/ të mbytuna në parzmet e grave vjeshtore./Lule mimozash, bartse kujtimesh,/ mes stinve e të pa stinë/na s'kthejmë kurr ma te ju./ Simjet për të parën herë/ mimozat në dorën e nji vashe i pashë/ qetsisht tue marrun frymë si në degë.

RTK - Askush nuk mund të punojë më në Kosovë me ligjet e UNMIK-it dhe as në bazë të Rezolutës 1244, që janë tejkaluar, tha sot kryeministri i Kosovës, Hashim Thaçi. Duke komentuar fillimin e punës së gjykatësve të EULEX-it në veri, kreu i ekzekutivit kosovar u shpreh kundër mundësisë së aplikimit të ligjeve që janë përdorur deri më tash nga UNMIK-u. Thaçi tha se institucionet e Kosovës do ta përkrahin EULEX-in në funksionalizimin e tij në të gjithë territorin e vendit. Pas takimit me Drejtori i Përgjithshëm për BE në Ministrinë e Jashtme të Çekisë, Libor Secka, kryeministri Thaçi tha se e ardhmja e Kosovës dhe e të gjitha vendeve të rajonit është në Bashkimin Evropian. Vizioni i Kosovës është plotësimi i të gjitha standardeve demokratike që kërkohen nga Bashkimi Evropian, ka thënë kryeministri Thaçi.

Voal-online - Femrat italiane ushtarake jashtë vendit “janë shembulli i Italisë më të mirë, fema guximtare që bëjnë një punë të rëndë dhe shpesh të rrezikshme e që i shërbejnë Atdheut pa bujë”. Këtë e ka nënvizuar në një deklaratë Ministërja për Mundësi të Barabarta Mara Carfagna, e cila nesër, për festën e grave, do të jetë në bazën ushtarake të Pejës, në Kosovë për t’u përshëndetur me 81 femrat ushtarakae italiane të vendosura këtu. Gjatë ditës ministërja do të takohet me personelin femëror të kontingjentit italian – në të cilin bëjnë pjesë tri oficee dhe një komandante toge- e një delegacion të Njësive Ndërkombëtare të pranishmë në Kosovë. “Këto femra,” ka thënë më tej Carfagna, “në operacionet ushtarake janë të “armatosura” me një ndjeshmëri të madhe”. Objektivi i tyre është një përkushtim konstant, ku aftësia e të komanduarit dhe përmasa humanitare shkrihen një një të vetme. Për këtë arssye kam vendosur ta kaloj me ato 8 Marsin.”

Sekretarja e amerikane e Shtetit, Hillari Klinton, vlerëson progresin e Shqipërisë në rrugën e saj të anëtarësimit në NATO, duke shprehur bindjen se në Samitin e Strasburg/Kehl-it, Shqipëria do të ulet si anëtare me të drejta të plota në Organizatën e Traktatit të Atlantikut të Veriut. Qëllimi kryesor i këtij takimi ishte përgatitja e dokumenteve që do të adoptohen në Samitin e Strasburg/Kehl-it nga kryetarët e Shteteve dhe qeverive të vendeve anëtare të Aleancës. Në takim u diskutuan një numër i madh çështjesh që kanë të bëjnë me të ardhmen e NATO-s, në mënyrë të veçantë operacionet e saj në Afganistan dhe Kosovë, marrëdhëniet e saj me Rusinë, rritja e efiçencës së organizatës, etj. Në Samitin e Strasburg/Kehl-it Shqipëria dhe Kroacia do të jenë anëtare me të drejta të plota të Aleancës.