| VOAL - Online Zëri i Shqiptarëve | ||||
|
MIRSEARDHJA E UKË RUGOVËS DO TË SHËNONTE FILLIMIN E REFORMIMIT TË LDK-SË Nga Elida BUÇPAPAJ E Premte, 11.12.2010, 07:38am (GMT1)  Zgjedhja e Isa Mustafës nga Kongresi i Shtatë si lideri i ri i LDK-së u pa si një domosdoshmëri dhe shpëtim për t'i rikthyer identitetin partisë më të madhe në Kosovë, deri kur timonin e saj e mori Fatmir Sejdiu, i cili me destruktivizmin klanor ia siguroi tatëpjetën partisë së themeluar nga Ibrahim Rugova, lideri indipendentist i Kosovës. LDK-ja e kohës së Sejdiut, nga një parti e cila deri atëherë i përkiste gjithë Kosovës, u transformua në parti me përkatësi krahinore-klanore, që e përçau partinë, mbolli frymën e dasive, duke humbur popullaritetin dhe elektoratin. Zgjedhja e Isa Mustafës në krye të LDK-së, krijoi shpresa tek opinoni dhe analistët, pasi Isa Mustafa gjatë kohës që ishte kryetar bashkie i kishte bërë oponencë të qartë pragmatizmit brutal të qeverisjes klanore të Fatmir Sejdiut. Sidomos Isa Mustafa fitoi një simpati të madhe në Kosovë, në fushatën e zgjedhjeve lokale të 2009-tës, për mënyrën si e bëri fushatën, duke e konsideruar kundërshtar përfasësuesin e PDK-së, larg konformizmit puthadorës që e karakterizoi fushatën e orientuar nga lidërshipi i LDK-së e cila kishte hyrë në aleancë qeverisëse dhe kolltukësh me PDK-në. Ky është portreti i Isa Mustafës që u kurorëzua si kryetar dhe fitoi në mënyrë të thellë në Kuvendin e Shtatë të LDK-së, tre ditë më parë. Ky është Isa Mustafa që njeh opinioni publik, njeri i përcaktuar dhe luftarak, cilësi të vlerësuara edhe nga elektorati në Prishtinë, ku e fitoi vendin e kryetarit të Prishtinës me 80 % të votave, gati në mënyrë plebishitare. Këto cilësi i dhanë Isa Mustafës edhe vendin e kreut të LDK-së nga një shumicë e thellë, që reflekton pjesën më të rëndësishme të bazës të LDK-së, e cila është e lodhur me metodat përçarëse, klanore.krahinore të Fatmir Sejdiut dhe kërkon ringjalljen e LDK-së.. Besimi i delegatëve në Kuvendin e Shtatë të LDK-së tek Isa Mustafa lidhet direk me vullnetin e shumicës kundër kursit të pararendësit, i cili e pati udhëhequr pa kurrëfarë suksesi, përkundrazi me plot dështime deri më tani LDK-në. Kur Isa Mustafa mori besimin e shumicës së LDK-së në Kuvendin e Shtatë, ky votbesim e bën atë de jure lider të LDK-së, duke i dhënë legjitimitet të drejtojë partinë drejt sfidave. Isa Mustafa do të duhet t'ja fillojë nga gabimet e pararendësit të tij. Së pari, duke qenë në prag të zgjedhjeve, Isa Mustafës i duhet të justifikojë dhe rikthejë besimin tek elektorati që e ka braktisur LDK-në. Një pjesë e këtij elektorati ka abstenuar, pjesa tjetër e ka dhënë votën tek të paktën dy parti të reja, siç janë ajo e Nexhat Dacit, dhe Behxhet Pacollit. Nëse nuk mund të ketë ribashkim të partive, të paktën aleanca mund të ketë. Partitë më të vogla me orientin të djathtë, e kanë pritur me padurim kthimin e kursit të LDK-së, hapjen e saj dhe rigjallërimin e frymës demokratike për të ringjallur aleancat parazgjedhore. Në këtë kontekst Isa Mustafa duhet të jetë konkret, me derë të hapur, që hapja e LDK-së pas Kongresit të Shtatë të mos mbetet vetëm deklarative. Së dyti, Isa Mustafa, duhet të synojë, që në listën e deputetëve të mos riciklojë fytyra të konsumuara nga tre vitet që lamë pas, të cilat janë të lidhura me periudhën më të pasuksesëshme të LDK-së, ndaj të cilëve Isa Mustafa ka qenë kritik. Së treti, një pikë delikate dhe shumë e ndjeshme për opinionin publik në Kosovë me të cilën Isa Mustafa duhet të tregohet i kujdeshëm është Ukë Rugova. I biri i liderit historik të LDK-së, pas mbarimit të studimeve në SHBA ka synuar t'i bashkangjitet LDK-së, por mjerisht ish-lidërshipi i LDK-së që pretendonte se është vijues i rrugës së jatit, është treguar cinik dhe ia ka përplasur derën pas fytyre, sikur LDK-ja të jetë pronë e tyre private. Sipas lajmeve më të fundit, Kryetari i LDK-së, Isa Mustafa, ka konfirmuar se" në listën e deputetëve është përfshirë Ukë Rugova, duke shtuar se janë edhe tetë vende bosh që do të plotësohen me emra që mund ta freskojnë listën. " Do të jetë po ashtu shumë normale që grupi i cili i bëri oponencë Sejdiut , të cilit i priu Ukë Rugova të ketë qasje në listë. Ndërkohë një gjë është e sigurt se mirëardhja e Ukë Rugovës shënon fillimin e reformimit të LDK-së. Isa Mustafa duhet të ndjekë kursin që i solli fitoren në Prishtinë, sepse të kesh me vete Prishtinën ke me vete Kosovën. Fitorja e Prishtinës dhe qëndrimi kritik ndaj lidërshpit të Sejdiut e bëri Isa Mustafën edhe kryetar të LDK-së. LDK-ja e Isa Mustafës duhet të demonstrojë se kursi i ri, në mos të themi 180 grade, është krejt ndryshe nga kursi i deritashëm, sepse kursi që ndoqi Fatmir Sejdiu ishte armiku më i madh i LDK-së, që i solli vetëm humbje. (Ky opinion është botuar 10 Nëntor tek Bota Sot) Sot nga Elida BUÇPAPAJ do të lexoni tek Bota Sot: "ISA MUSTAFA, ZHGËNJIM PËR ATA QË E BESUAN DHE E VOTUAN" MIRSEARDHJA E UKË RUGOVËS DO TË SHËNONTE FILLIMIN E REFORMIMIT TË LDK-SË
KAOSI PARAZGJEDHOR I JEP NË TABAKA FITOREN HASHIM THAÇIT Nga ELIDA BUÇPAPAJ Tanja Fajon çel një dritë shprese për Kosovën MOS E KTHENI KOSOVËN NË NJË GETO TË SHEKULLIT XXI Nga ELIDA BUÇPAPAJ FATMIR SEJDIU TREGON BARCALETA Nga ELIDA BUÇPAPAJ KRIZA INSTITUCIONALE PËR INTERESA TË NGUSHTA TË LIDËRSHIPIT AKTUAL TË LDK-SË NGA ELIDA BUÇPAPAJ TIGRAT E ARKANIT LËVIZIN TË LIRË NË EVROPËN ME FYTYRËN E SËMURË TË UMBERTO BOSSIT SHBA & BE ME SHQIPËRINË, SFIDOJNË BINOMIN PARANOJAK RAMA-RUÇI AMERIKA & BRUKSELI, JO BRUKSELI "SOLO" NGA ELIDA BUÇPAPAJ SA HERË AFROHEN ZGJEDHJET RAMUSH HARADINAJN E ÇOJNË NË HAGË NGA ELIDA BUÇPAPAJ 14 Shtator 1998 - 14 Shtator 2010 E KUR AZEM HAJDARI DO TË KTHEHET NË NJË SIMBOL TË PËRBASHKËT TË PLURALIZMIT SHQIPTAR ? NGA ELIDA BUÇPAPAJ ALL TOGETHER NOW - TË GJITHË SË BASHKU TANI ! NGA ELIDA BUÇPAPAJ PROJEKT-REZOLUTA KAMALEON E 28-SHES ?! NGA ELIDA BUÇPAPAJ ESHTON NUK MUND T'I GJUNJËZOHET TADIÇIT Nga ELIDA BUÇPAPAJ TE JESH DISHEPULL I NËNË TEREZËS, DO TË THOTË TË JESH DISHEPULL I DASHURISË
Nga ELIDA BUÇPAPAJ E PARA VJEN KOSOVA Nga ELIDA BUÇPAPAJ E PËRSE KAQ VONË ? Nga ELIDA BUÇPAPAJ
SHQIPËRIA NDRYSHE NGA ÇEKIA BE NUK MUND TË EKZISTOJË NË VARESI TË GREQISË, SPANJËS, SLLOVAKISË, RUMANISË E QIPROS !
Nga ELIDA BUÇPAPAJ TRAIAN BASESKU AS NUK I DISKRIMINON DOT SHQIPTARËT, AS NUK E FUT DOT SERBINË NË BE
Nga ELIDA BUÇPAPAJ Nga ELIDA BUÇPAPAJ TONI BLER, LIDERI QË ZURI VEND NË ZEMRËN E SHQIPTARËVE NGA ELIDA BUÇPAPAJ
KUR S'KA OPOZITË, QEVERIA KA FESTË ! BARDHYL AJETIT DISA KËSHILLA PËR ALBIN KURTIN Nga ELIDA BUÇPAPAJ BEKIM FEHMIU NUK KA NEVOJË PËR LOTË KROKODILËSH Nga ELIDA BUÇPAPAJ 15 VJET "BOTA SOT", GAZETA QË PARASHKROI HISTORINË E SHQIPTARËVE Nga ELIDA BUÇPAPAJ INDIFERENCË E VERBËR E POLITIKËS NDAJ ARRESTIMIT BRUTAL TË ALBIN KURTIT NGA POLICIA ME ANTIPLUMB Nga ELIDA BUÇPAPAJ KOSOVA E EMANCIPUAR Nga ELIDA BUÇPAPAJ Elida BUÇPAPAJ
|
||||
| Copyright © 2005-2008 Nulled by [x-MoBiLe]. All rights reserved. | ||||
