VOAL - Online Zëri i Shqiptarëve | ||||
INSTRUMENTI I VETËM ËSHTË PUNA Nga SKËNDER BUÇPAPAJ E Djelë, 04.03.2011, 09:19am (GMT1) "Sot për sot i vetmi instrument që kemi në Kosovë për njohjen e njerëzve është puna e tyre, veprimet e tyre. Edhe për shumë kohë me vonë ne nuk do të kemi ndonjë instrument për t'i matur njerëzit përveç punës së tyre, veprimeve të tyre." Kështu më thoshte rreth njëzet vjet më parë, në përgjigje të një shqetësimit tim, Presidenti i Kosovës Ibrahim Rugova. Edhe njëzet vjet më vonë, ndonëse Kosova e ka shtetin e saj, ndonëse ka tashmë edhe një mori institucionesh, si çdo shtet tjetër me më pak apo më shumë traditë, ajo nuk i ka instrumentet për t'i njohur njerëzit dhe për t'i matur njerëzit në duart e të cilëve ajo, pak a shumë, do ta ketë fatin e saj, në duart e të cilëve do të jenë detyra, poste, përgjegjësi të rëndësishme. I vetmi instrument i njohjes së njerëzve, i matjes së tyre mbetet edhe sot e kësaj dite e, ndoshta, edhe për një kohë pasi Kosova të ketë kaluar periudhën e mbikqyrjes ndërkombëtare. Edhe kur t'i ketë në duar instrumentet të cilat i ka sot çdo shtet me pavarësi e sovranitet të konsoliduar, me tradita shtetërore të konsoliduara, do të jetë tejet e vështirë që ato instrumente të përdoren gjithnjë me saktësi, do të jetë tejet e pamundur që ato instrumente të jenë të mjaftueshme, do të jetë tejet e pamundur që ato instrumente të jenë gjithçka për të pasur një njohje, një matje të pagabueshme të njerëzve, në mënyrë të veçantë të politikanëve, sidomos të shtetarëve. Shembull e kemi Shqipërinë, ku koniunkturat e mëhershme apo të mëvonshme nuk kanë lejuar që në filtrat e njohjes dhe të matjes të mbeten ato kandidatura të cilat janë të përlyera në shërbime të këqija, të liga, të dëmshme, të cilat kanë cene morale, kanë fshehtësi të natyrave të ndryshme, të cilat të jenë në duart e dikujt çka do t'i shndërronte në marioneta të segmenteve të huaja armiqësore apo të segmenteve të brendshme të mbrapshta. Rrethanat e tilla e detyrojnë deri diku Shqipërinë, e detyrojnë edhe për një kohë të pacaktuar Kosovën që të përdorë një instrument të vetëm, mosparagjykimin, në vlerësimin e njerëzve. Dhe do të jetë e detyruar të gjykojë vetëm atë çfarë ka ajsbergu në sipërfaqe, duke mos ia lejuar vetes as hamendjen më të vogël. Sepse çdo hamendje çon në rrugë të pa rrugë. Ibrahim Rugova pati një optikë tejet të veçantë, të mprehtë, shqyrtuese, analizuese e intuitive, duke e bërë shembull të njeriut që punon në ekip, shembull të njeriut që punon në krye të ekipit. Rugova nuk kërkoi kurrë besnikë, nuk kërkoi kurrë besnikëri personale, nuk kërkoi kurrë njerëz që e shikojnë në sy dhe në gojë, çfarë po flet dhe çfarë po lë pa folur. Rugova kërkoi njerëz që përmbushin atë që marrin përsipër, njerëz që tregojnë dinjitet dhe integritet në përmbushjen e asaj që marrin përsipër, njerëz që e vënë detyrën e tyre shumë më lart se veten, njerëz që e vënë veten e tyre shumë më lart se tundimet, ngado që të vijnë ato e sido që të jenë të kamufluara ato. Duke mos pasur në dorë mjete hetuese apo hulmtuese për të parë në labirintet e jetës apo të jetëshkrimeve të bashkëpunëtorëve, duke mos pasur as mjete shtrënguese apo imponuese ndaj bashkëpunëtorëve, duke mos pasur për një kohë të gjatë as stimuj shpërblyes, duke mos pasur as instrumente të njohjes apo të matjes së njerëzve, Ibrahim Rugova arriti të ndërtojë ekipet e tij të fitores, qoftë në krye të Kosovës, qoftë në krye të Lidhjes Demokratike të Kosovës. Duke mos qenë asnjëherë përjashtues, Ibrahim Rugova atyre që i kanë kaluar provat përballë sfidave iu ka dhënë gjithnjë shanse të reja, duke i lartësuar figurat që iu dolën zot fateve të Kosovës në një periudhë aq të vështirë dhe delikate. Gjithnjë nga ky këndvështrime, ata që nuk i kanë kaluar dot provat më të rënda, janë vetëshmangur për të kaluar në detyra provash më pak të rënda. Kështu ka ardhur duke u përkryer në atë masë të parrënueshme gjithçka që ka pasur vulën e Ibrahim Rugovës, qoftë në institucionet shtetërore të vendit, qoftë në partinë politike që drejtoi, qoftë në precedentët dhe në traditat që ai krijoi në politikën e Kosovës nga fundi i viteve 1990 e deri sa vdiq. Ibrahim Rugova ishte ndër figurat e rralla, të cilat iu dalin përballë bashkëpunëtorëve, miqve, partnerëve, kundërshtarëve, armiqve, pa pasur drojën se ata kanë në duart e tyre një fshehtësi të tijën. Kjo e bëri Ibrahim Rugovën figurën më pa komplekse në politikën shqiptare, figurën më të pacënueshme në politikën shqiptare, figurën më shembullore në politikën shqiptare. Dhe unë nuk ua marr aspak për të keq atyre që, dikur kundërshtarë apo më shumë se kundërshtarë të Rugovës, përçmues apo më shumë se përçmues të Rugovës, sot e çmojnë, e vlerësojnë dhe e kanë model jete dhe pune Ibrahim Rugovën. Jeta, vepra, filizofia, vizioni, mençuria, përvoja e Ibrahim Rugovës janë thesar për të gjithë spektrin politik të Kosovës, janë thesar për të gjitha institucionet demokratike të Kosovës, janë thesar për të gjithë brezat e shqiptarëve, Vetëm duke e parë njëri tjetrin me optikën e pagabushme gjykuese dhe vlerësuese, njohëse dhe matëse të Ibrahim Rugovës mund ta kapërcejmë këtë fazë dhe, si çdo kob tjetër sovran, edhe ne të kemi instrumentet e pagabueshme të njohjes dhe matjes së njerëzve të shtetit, nga më të vegjlit tek më të mëdhenjtë. (Botuar më 1 mars 2011 në Bota Sot) MË SHUMË SE OPOZITË INSTINKTIVE, KOSOVËS I DUHET NJË OPOZITË ME STRATEGJI Nga SKËNDER BUÇPAPAJ REVOLUCIONE APO RRËSHQITJE SITUATEURIMET EVROPIANE NDOSHTA NUK DO TË VIJNË FORCËN E OPOZITËS NUK E BËJNË NUMRAT Nuk e bën as dobësia e shumicës qeverisëse POETIKA E DHIMBJES NË NJË ROMAN TË RI Romani "Imazh" i Zef Mulajt Nga SKËNDER BUÇPAPAJ Nga SKËNDER BUÇPAPAJ
A ËSHTË E PËRGATITUR LIDHJA DEMOKRATIKE PËR TA QEVERISUR KOSOVËN?
21 JANARI DHE INTELEKTUALËT LAKEJ
KUVENDI I RI: TIPOLOGJI, KAAKTERIZIME, PROGNOZA Nga SKËNDER BUÇPAPAJ
PËRSHPIRTNI NAZMI LUKAJT, MIKUT DHE KOLEGUT 21 JANARI NË RADARIN E JASHTËM MEDIATIK Nga SKËNDER BUÇPAPAJ
NJË VERSION I NËNTËDHJETESHTATËS
BAJRAKU NË ÇARSHI OSE POLITIKA NË ANKAND
ROJA TË SOVRANITETIT Zotër shtëpie Nga SKËNDER BUÇPAPAJ
PDK DHE LDK SHTRATIN ENDE TË NXEHTË KOLLITJET E STALINIT... ...nesër në "tri komunat heroike" Nga SKËNDER BUÇPAPAJ
MARTY & THAÇI, THE PRECEDENT & SUBSEQUENT TË DUAN, PA TË QORTOJNË (Letër e mbyllur partive) Nga SKËNDER BUÇPAPAJ UKË RUGOVA DHE QYTETARIA E DINASTIVE NË DEMOKRACI SIMBOL I LUFTËS SË KOSOVËS ËSHTË SHTËPIA E JASHARAJVE, NUK ËSHTË "SHTËPIA E VERDHË" EVROPA NË ANËN E HUMBËSVE TË LUFTËS SË KOSOVËS MINUS NEXHATI, PLUS ALBINI, BARAS ÇKA? POLITIKËN MUND TA NDRYSHOSH VETËM DUKE MARRË PJESË NË POLITIKË SHKRIRJA E MEDIAVE NË PUSHTETIN POLITIK
Sot mbushen plot 17 vjet nga dalja për herë të parë në satelit e Radiotelevizionit Shqiptar NGASJET E PERSONALIZIMIT TË HISTORISË GREQIA DHE SHQIPËRIA, GREKËT DHE SHQIPTARËT
PDK DHE LDK SHAHEN... DERI PAS ZGJEDHJEVE AKSESI I KOSOVËS NË DOSJET E SPIUNËVE TË SAJ SINDROMI I THESARIT TË ALI PASHË TEPELENËS SI E KAPI GREQINË EMPATI E MBRAPSHTË E SOCIALISTËVE ME DEMOKRATËT
SHQIPTARIZMI NË KONTEKSTIN E EVROATLANTIZMIT DHE GLOBALIZMIT
VIZIONI YNË EVROPIAN I RIBASHKIMIT SHQIPTAR Nga SKËNDER BUÇPAPAJ HAMENDJET PARAZGJEDHORE Nga SKËNDER BUÇPAPAJ NUK KAM MALL PËR FUSHATAT E DORËHEQJEVE, LARG QOFSHIN FUSHATAT E DORËHEQJEVE A DO TË VAZHDOJË NJOHJET EDHE GJATË DIALOGUT?
MBYLLJA ME NDER E MISIONEVE NDËRKOMBËTARE Nga SKËNDER BUÇPAPAJ
A MUND ERDHËT PREJ NJU JORKU Nga SKËNDER BUÇPAPAJ NË Ç'RRUGË KA HYRË PROCESI I NJOHJEVE NË LDK ASGJË E RE, ASGJË E RE NË LDK HISTORIA NUK ËSHTË E PARTIVE, PARTITË JANË PJESË E HISTORISË
E NGRIRË KOSOVA NUK MUND TË HYJË NË BISEDIME TË REJA Nga SKËNDER BUÇPAPAJ PA ZBARDHJEN E HISTORISË DISIDENCA SHQIPTARE NUK DO TA FITOJË QYTETARINË
PËR INAT TË KOSOVËS, SERBIA ËSHTË GATI TË BËJË ÇFARËDO HARAKIRI Nga SKËNDER BUÇPAPAJ LERENI KOSOVËN SHËNDOSH, NËSE E DONI SHËNDOSH BALLKANIN, EVROPËN... KOSOVA DHE NJOHJET - GJEOPOLITIKA TJETËR
MË TEPËR SE NJË GJETJE FORMULE, NJË THYERJE TABUJE Nga SKËNDER BUÇPAPAJ VERIU I KOSOVËS, FUSHËBETEJA E FUNDIT?
NË HORIZONTE ENDE ASNJË RRETHANË OPTIMALE PËR BISEDIME
MARRËDHËNIET ME NDËRKOMBËTARËT SHPREHIN AFTËSINË SHTETËRORE TË KOSOVËS SKËNDER BUÇPAPAJ
|
||||
Copyright © 2005-2008 Nulled by [x-MoBiLe]. All rights reserved. |