E Hënë, 03.30.2020, 04:59pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 
IMUNITETI: BËJ SI THEM UNË, MOS BËJ SI BËJ UNË!
Nga ILIR HYSA

E Premte, 07.20.2012, 01:56pm (GMT+1)


Kur filluan punimet e Parlamentit tё parё pluralist pas zgjedhjeve tё 31 Marsit 1991, shqiptarёt kishin shumё pёr tё mёsuar, pavarёsisht se shumica e parlamentarёve ishin ish-agronomё dhe ish-kryetarё kooperativash. Sigurisht, kalimi nga njё system politik i centralizuar nё njё system pluralist ndryshoi krejt dinamikёn e vёzhgimit tё politikёs nga opinioni publik. Shqiptarёt ishin mёsuar ti pёshpёrisnin njёri-tjetrit nё vesh “nuk dihet
ҫfarё ёshtё thёnё sot” kur bёheshin mbledhjet e Byrosё Politike tё Komitetit Qёndror tё Partisё apo kur ndiqnin nё lajmet e ditёs punimet e Kuvendit Popullor, ku njё njeri lexonte njё fjali dhe tё tjerёt duartrokisnin pёr disa minuta rresht.

Shqiptarёt po mёsoheshin me mё shumё se njё parti, madje kur partitё filluan tё mbinin si kёrpudhat pas shiut dhe zhurma e debatit, shpesh mediokёr e banal, u bё e padurueshme, disa nuk hezituan tё tregojnё nostalgjinё e tyre pёr sistemin qё kishim lёnё pas.


Sinjalet e dёrguara gjatё ditёve tё ftohta tё dimrit 1990, kur Lёvizja Studentore e Dhjetorit nuk la mёdyshje pёr orientimin e ri tё Shqipёrisё, kёrkonin adoptimin e legjislacionit, praktikave dhe terminologjisё perёndimore nё jetёn e vendit. Mё kujtohet nga ajo kohё se, nga biseda me njerёz tё moshave, profesioneve dhe niveleve tё ndryshme arsimore, tri fjalё ishin bёrё si gangrenё pёr qytetarёt. Njё pjesё e mirё e kёtyre tё fundit i pёrsёritnin ato pa ua ditur as kuptimin. Ato fjalё ishin ‘interpelancё’, ‘transparencё’, dhe ‘imunitet’. Ndёrsa dy tё parat, sikurse u bё shpejt e qartё, i referoheshin praktikave parlamentare, e fundit mbeti disi e mjergullt.


Deri atёherё fjala ‘imunitet’ ishte pёrdorur kryesisht pёr tё demonstruar aftёsinё mbrojtёse tё organizmave tё gjalla ndaj faktorёve tё jashtёm si mikrobet dhe viruset qё mund tё depёrtonin nё mbrendёsi tё kёtyre organizmave. Ndёrsa u bё disi mё i qartё fakti se imuniteti ishte njё masё mbrojtёse pёr deputetёt, mbeti e paqartё se cilat ishin ‘mikrobet’ dhe ‘viruset’ ndaj tё cilёve ata mbroheshin.


Kur deputetёt filluan tё shfrytёzonin postin dhe futnin hundёt nё gjёra pёr tё cilat kolegёt e tyre nё perёndim pёrfundojnё nёpёr burgje, u bё ende mё e qartё axhenda e tyre dhe roli qё luante imuniteti. Mjafton tё pёrmendim ndёrhyrjen e deputetёve nёpёr ambasadat e huaja pёr t’iu nxjerrё viza miqve tё tyre, tё drejtat e studimit jashtё shtetit pёr fёmijёt e tyre dhe tё miqve tё tyre, apo ndёrhyrjet nё konkurset pёr tendera dhe konkurset pёr pranimet nё shkollat e larta. Mё vonё, shumicёs sё tyre iu desh tё merreshin me punё mё tё rёndёsishme sikurse ishin privatizimi i pasurisё kombёtare dhe li
ҫensimet dhe ndёrmjetёsimet pёr projektet ‘joint venture’ me kompani tё huaja. Zakoni i vjetёr pёr tё qёnё ‘gju mё gju me popullin’, duke mos lёnё kёshtu asnjё mundёsi biznesi tё kalonte pa u vёnё re, shpesh ua bёnte atyre tё pamundur tё bёnin punёn, pёr tё cilёn ishin zgjedhur nga sovrani, tё bёnin ligjet e Shqipёrisё.

Ndёrsa lakmia dhe egoja e tyre po rritej shpejt, ata ngjitёn  shkallёt e karrierёs duke pёrfunduar nё disa raste nё majat e ekzekutivit dhe gjyqёsorit shqiptar. Kur ca prej tyre e mbushёn kupёn dhe iu doli boja, bashkё me ta i doli boja edhe imunitetit i cili i mbronte ata nga pёrballja me drejtёsinё. Pёr mё tepёr, disa prej tyre kishin qenё mёkatarё edhe gjatё viteve tё diktaturёs dhe, pёrve
ҫ lehtёsirave nga moshapja e dosjeve tё vjetra, e kishin mbuluar mekatin e tyre edhe me imunitet. Tani u bё e qartё se imuniteti kishte qenё zbulimi mё i menҫur i kёtyre palo-pushtetarёve dhe mё i dёmshmi pёr Shqipёrinё. Imuniteti iu kishte mundёsuar atyre jo vetёm ta shkelnin ligjin por edhe tё qёndronin ulur mbi tё deri sa atij ti ‘dilte shpirti’.

Populli thotё “nuk mban mё ujё pilafi” dhe imuniteti i zyrtarёve shqiptarё duhet tё hiqet dhe tё mbetet thjesht histori. Njёri nga parimet bazё tё njё shoqёrie qё aspiron ndёrtimin e njё demokracie tё vёrtetё ёshtё barazia para ligjit. Por, pёr kohё sa do tё ketё zyrtarё tё veshur me imunitet, ky parim do tё mbetet i dhunuar nё mёnyrёn mё tё turpshme.


Ndёrsa perёndimi i ka bёrё tё qarta pritshmёritё pёr atё qё duhet tё ndodhё nё 6 Gusht 2012, ata vazhdojnё tё rezistojnё me paturpёsinё qё i karakterizon. Ambasadori i Shteteve tё Bashkuara tё Amerikёs, Alexander Arvizu u shpreh qartё para pak ditёsh ku tha se “nёse imuniteti i zyrtarёve nuk do tё hiqej nё 6 Gusht, Shtetet e Bashkuara do tё zhgёnjeheshin”. Kjo nuk do tё ishte as hera e parё dhe as e fundit qё Shtetet e Bashkuara do tё zhgёnjeheshin. Pasi janё tallur me shqiptarёt pёr mёse dy dekada, zyrtarёt zullumqarё denjojnё ti thonё jo njё kёrkese sa llogjike dhe njerёzore, aq edhe tё ngutshme dhe tё domosdoshme pёr t’i hapur rrugёn Shqipёrisё drejt ndёrtimit tё njё demokracie funksionale ku ata qё drejtojnё nuk mund ti thonё popullit tё tyre: Bёni si them unё, mos bёni si bёj unё! Nёse ata do tё vendosin ta mbajnё veshur petkun e pisёt tё imunitetit pёr tё fshehur gjёra ende mё tё pisёta mbrenda tyre, atёhere sovrani duhet t’i vёrё gishtin kokёs.

 

 

ILIR HYSA


Rating (Votes: )   
    Comments (0)        Dërgoja shokut        Printo


Other Articles:
TË GJITHA FRONTET E DAMASKUTNga ANTONIO FERRARI, Corriere della Sera (07.20.2012)
ARIU RUS DUKE VDEKUR GODET PËRSËRINga MAX SEDDON, Reuters (07.19.2012)
ENVER HOXHA KY PERSONAZH I LINDUR PËR TË QENË DIKTATORNja dy mendime rreth librit të Blendi Fevziut « Enver Hoxha »Nga AJET NURO (07.17.2012)
Çdo ditë një temëNËSE PS NUK VOTON MË 6 GUSHT, EDI RAMA BËHET « HARAKIRI »Nga ELIDA BUÇPAPAJ (07.17.2012)
MESAZHET E SHTETEVE TË BASHUARA PËR BALLKANIN PERËNDIMORNGA FRANK SHKRELI (07.17.2012)
KRISJE NË GJEOPOLITIKËN SOVJETIKE TË PUTINITNga SHABAN MURATI (07.17.2012)
ZGJIDHJA E ÇËSHTJES SHQIPTARE NUK KA MBARUARMë 15 Korrik të vitit 1987, u paraqit për herë të parë në kongresin amerikan një rezolutë për të drejtat e shqiptarëveNga JOE DIOGUARDI (07.17.2012)
NE EMIGRANTЁT, ATA TЁ PAUDHЁT DHE SHQIPЁRIA NЁ MESNga ILIR HYSA (07.17.2012)
Barometri diplomatik VETËM HEROI I KOSOVËS, ADEM DEMAÇI MERITON POSTIN E PRESIDENT, ASKUSH TJETËR!Nga Prof. Dr. MEHDI HYSENI (07.17.2012)
DISTANCOHEMI NGA DREJTUSIT AKTUAL TË BDSHNga JONUZ NDREU (07.17.2012)



 
::| Lajme të fundit
::| Kalendari
Mars 2020  
D H M M E P S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]