VOAL - Online Zëri i Shqiptarëve | ||||
SHQIPËRIA E 27 TETORIT 2012 APELON Nga ARTUR VREKAJ E Hënë, 10.29.2012, 06:37am (GMT1)
Nuk ka truall të banuar që lashtë nga paraardhësit e shqiptarëve pellazgë dhe ilirë dhe nga shqiptarët e sotëm në Ballkan që të mos ketë një histori qëndrese e mbijetese. Të mos ketë një lapidar beteje a një monument dëshmori që ka dhënë jetën për truallin e tij, për Liri e Pavarësi. Dhe për ndëshkim të Fesë sonë Madhore SHQIPTARISE , Tirana zyrtare në Nëntor 2008 nënshkroi Marrëveshjen e Stabilizim-Asocimit të Shqipërisë me BE, me kusht ndërtimin e varrezave greke në Bularat e Këlcyrë. Pra, Shqipëria ka vetëhelmuar vetveten për hir të integrimit europian.
Ky është turpi më i madh kombëtar i Tiranës zyrtare, i viteve të demokracisë
pas ardhjes së Janullatosit, si shpresë e Megalidhesë që nuk e "kupton" pse
Shqiptaria është Feja e vërtetë e shqiptarëve? Dhe Janullatosi filloi të flasë...
Aleanca Kuq e Zi proteston me të drejtë. Nder flamurin kombëtar, thërret shqip
në rrugën Këlcyrë aksi kombëtar Tepelenë- Gjirokastër.
A e merr me mend Tirana zyrtare
se sa dëm i ka bërë Shqipërisë me varrezat greke? A e sheh Tirana zyrtare se sa
të provokuar janë ndjenjat tona kombëtare shqiptare? Ja
ç'na kujton kjo ditë shiu e 27 tetor 2012: Masakrat Greke! 98 vjet vjet më parë, më 1914, shqiptarët masakroheshin nga andartët e Batalionit të Shenjtë aty afër Grykës së Këlcyrës, në Peshtan, Tepelenë ku mbysnin e hidhnin me dhjetëra foshnja në pus, kurse grave shtatzëna ua hiqnin me thika foshnjat e gjalla Delvinës a i çanin me bajoneta në trup se gjalli. Në Luaras, Ersekë theren 14 fëmijë. Nga 2 deri më 10 korrik 1914 në zonën e Panaritit të Korcës u mblodhën e u therën përmbi 375 shqiptarë, 298 prej Panaritit u therën në Grabockë e pastaj andartët ua hodhën kokat në Honin e Karakollit ! Panariti u dogj.
Më 25 shkurt 1914 në Kuqar dhe Kosinë të Përmetit grekët therën fëmijët në sy
të nënave si dhe bënë masakrime të pashembullta njerëzore në Kishën e Kosinës. Më 29 prill 1914 në Sheshin e Rrapit të Hormovës, Tepelenë dhe në Kishën lart në Kodër grekët therën e vranë përmbi 217 shqiptarëve ku kanibalet grekë torturuan ç'njerëzisht shqiptarët e pambrojtur. U dogjën 98 shtëpi. U mor gjëja e gjallë, mijëra kokë të trasha e bagëti! Marrja e eshtrave të varreve shqiptare të Kosines, Përmet për eshtra ushtarësh grekë dhe ngritja e memorialit të grekëve në Boboshticë përmbi varret shqiptare të fshatit si dhe varrezat në Këlcyrë e Bularat e helmuan edhe disa herë Shqipërinë e Jugut! Ku janë deputetët shqiptarë që përgjërohen për kombin shqiptar? Po shefat e partive kryesore në Shqipëri pse nuk shprehen apo e kanë gojën vetëm për të kuar heshtjen shqiptare?!
Shqipëria 27 tetorit 2012 apelon: ARTUR VREKAJ
|
||||
Copyright © 2005-2008 Nulled by [x-MoBiLe]. All rights reserved. |