VOAL - Online Zëri i Shqiptarëve | ||||
GËZUAR VITIN E RI 2013 Nga FRANK SHKRELI E Djelë, 12.30.2012, 05:10pm (GMT1)
Vaclav Havel, disidenti anti-komunist çek ka thënë se, ''Në secilin prej nesh ekziston dëshira e zjarrtë për një dinjitet të vërtetë njerëzor, për një integritet moral, si edhe për një sens që tejkalon kufijtë ekzistencial të botës.'' Dëshiroj dhe uroj të gjithë bashkatdhetarët kudo që janë, që Viti i Ri dhe shekulli i ardhëshëm i Shqiptarëve të jetë, për të gjithë ne, një periudhë e rritjes së integritetit dhe përgjegjësisë civile dhe morale për veten tonë, për shoqërinë ku jetojmë dhe për mbarë kombin.
Festat e fund vitit na kujtojnë se vlerat e përbashkëta që ndajmë me njëri
tjetrit si Shqiptarë janë më të rëndësishme se sa ndryshimet midis nesh. Viti i
Ri është një rast për një fillim të ri, për realizimin e objektivave personale
dhe kombëtare. Është një moment për të festuar arritjet e deritanishme dhe për
t'u përgatitur për sfidat e ardhëshme, me mirëkuptim dhe bashkpunim me njëri
tjetrin, me energji, inteligjencë dhe kurajo, të vendosur për të punuar së
bashku për një të ardhëme më të mirë për të gjithë Shqiptarët kudo.
Nga zemra uroj të gjithë bashkombasit kudo që janë -- e veçanërisht lexuesit e
shkrimeve të mia modeste e nganjëherë ndoshta edhe të mërzitshme -- që Viti i
Ri t'u sjellë jetë, shëndet dhe punë, por edhe paqë e begati, si dhe realizimin
e të gjitha objektivave dhe ëndërrave të parealizuara për ju dhe për familjet
tuaja, si dhe për të gjithë ata për të cilët zemra u dëshiron mirë. FRANK SHKRELI
|
||||
Copyright © 2005-2008 Nulled by [x-MoBiLe]. All rights reserved. |