VOAL - Online Zëri i Shqiptarëve - KOVA ME VRIMA - GJASHTË RRJEDHJET E FRIKSHME TË VJESHTËS 2013Nga SHENASI RAMA

                                                                                      

E Premte, 08.17.2018, 01:29am (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 
KOVA ME VRIMA - GJASHTË RRJEDHJET E FRIKSHME TË VJESHTËS 2013
Nga SHENASI RAMA

E Premte, 07.05.2013, 07:31am (GMT+1)




Gjendja mbas-zgjedhore është e qetë në dukje, por vetëm në dukje ama. Nga ana e vet, PD kërkon të mbajë vëmendjen e njerëzve tek vetvetja, por synimi është që të fitojë kohë, e të riciklohet si parti e Fillimit të Ri e Trustit të Geshtenjave të Tropojës. Kjo është një parti oligarkike, tashmë pronë e një familjeje kriminale dhe që e ka kryer shumë keq misionin historik që i takonte, dhe shkëlqyeshëm misionin që i caktoi Sali Berisha. Nga ana tjetër, PS dhe LSI, dy parti që bënë fushatë më vete, tani na thonë se kanë një program të përbashkët. E sigurtë është që do të qeverisin së bashku.

Megjithatë, qeverisja është tejet e rrezikuar pa filluar për shkak të disa proceseve apo rrjedhjeve të kapitaleve që do ta bëjnë qeverisjen e pritshme shumë të vështirë.  Në mënyrë figurative, PS dhe LSI ishin si i eturi që don te pijë me cdo kusht dhe është tek pusi i ujit. Mirëpo, kova që ngren ujin (kapitalin) e derdh të gjithë deri sa ngjitet lart, sepse në fund ka shumë vrima. Ky interregnum veror dy mujor i Sali Berishës, po garanton që edhe pikat e fundit të ujit do të derdhen nga kova e kapitalit që ngrihet me shumë ngadalësi dhe kur të ngjitet lart, do të ketë shumë pak ujë. Me një fjalë, Saliu po vepron me shumë dinakëri dhe zgjuarësi, po respekton marrëveshjen që thonte se duhet të ikë, por e din se politika është afatgjatë dhe ai don të mbesë në lojë me cdo kusht sepse edhe vetë Familja vëzhgon me dyshim cdo lëvizje të tij. Pa politikën ai do të ishte askushi sepse kjo lloj familje nuk ka asnjë lloj besnikërie.
Ai din se si mbijetoi ne vitin 1997 dhe e din se ikja do te perkthehet shumë më keq se sa fati i skuthit tjetër politik, Fatos Nano.

Por, le të përqëndrohemi tek tema në fjalë. Cilat janë vrimat e kovës të qeverisjes? Cilat janë disa nga shterrjes që do ta bëjnë thuajse të pamundshme qeverisjen në vjeshtën që po vjen?

Ikja e Kapitalit kombëtar

Së pari, është ikja e kapitalit kombëtar. Frika e jashtëzakonshme e njerëzve që kanë bërë paratë me gjithfarë pisllëku e spekullimi politik gjatë qeverisjes së Sali Berishës se qeverisësit e ardhshëm do të taksojnë, sekuestrojnë, verifikojnë, zbulojnë etj. i ka shtyrë shumë prej tyre të  lëvizin shpejt. E jo vetëm ata por edhe ata që duan të bëjnë kujdes sepse komb e atdhe të gjithë këta kanë kuletën. Shumë morën pasaportat dhe ikën. Tani i gjen kudo në botë. Formalisht janë duke lëvizur për turizëm e për biznes, duke u interesuar kinse për shkollimin e fëmijëve dhe shëndetin e vjehrrës e me shkaqe të tjera banale. Në realitet, janë duke kërkuar ethshëm transferimin e parave dhe të familjeve. Bizneset që këto do të lënë dhe që tatimorët do të verifilojnë do të jenë të pavlefshme si lëkura e zhvoshkur e gjarpërit. Si merimanga që thith prenë, këta i kanë thithur paratë dhe i kanë nxjerrë jashtë.  Edhe ngrehinat e pajisjet që mbesin kanë qënë pjesë e llogarisë së humbjes për ta. Kështu nuk është për tu habitur që në një muaj para zgjedhjeve, njerëzit tërhoqën formalisht 80 milionë euro nga bankat. Kështu kanë bërë gradualisht gjatë disa muajve para zgjedhjeve e do të bëjnë mbas zgjedhjeve. Llogaritet që një masë e madhe i kanë nxjerrë paratë me kohë dhe kanë investuar në forma të ndryshme jashtë vendit, që kanë disa pasaporta e prona në vende të ndryshme dhe shuma e kapitalit që ka ikur të del që është e frikshme dhe marramendëse.  Kjo është një ikje e kapitalit që do të intensifikohet në muajt e vjeshtës.

Shterrimi I Prurjeve dhe Investimeve të Emigrantëve

Së dyti, është shterrimi i prurjeve financiare nga emigrantët. E kjo nuk përkthehet vetëm në ndihma e remitanca. Më e rëndësishmja është në investime që emigrantët bëjnë në shtetin shqiptar. Që të mos keqkuptohem, emigrantët do të vijnë edhe këtë verë. Si edhe e kam parashikuar në shkrimet e mëparshme fluksi i kthimeve të përherëshme është e do të jetë i lartë gjatë e mbas verës kur mbaron sezoni i turizmit dhe shkollat. Mirëpo këta që kthehen do të harxhojnë sa të mund të jetojnë. Shumica e emigrantëve tanë në Greqi kanë punuar në ndërtim e në bujqësi. Të dy këta sektorë janë aktualisht të vdekur. Ndërtimi për arsyet e shumta që duhen e që i kam trajtuar edhe më parë, bujqësia për shkak të mungesës së masave mbrojtëse për prodhuesit vendore, parcelizimit e ndarjes në ngastra, e prandaj edhe të sundimit të ekonomisë së vogël familjare që nuk të lejon për prodhim për fitim e tregtim. Ata emigrantë që mbesin në vendet e huaja do të përballen me trysnitë e krizës që nuk ka ikur kund e që vetëm do të thellohet. Shtoji këtyre pasigurinë e gjendjes së tregut të pasurive të patundshme që tani do të duhet të përballet me pashmangshmërinë e tatimit mbi pronën dhe mbi pronat e dhëna me qera e të jo të domosdoshme për jetesën e familjes.

Borxhi i Shtetit

Së treti, është borxhi i shtetit. Pavarësisht thashethemeve elektorale se qeverisja do të marrë ndihma të mëdha nga FMN, realiteti është shumë shqetësues. Së pari, shteti duhet të bëjë pagesat, edhe këto të vonuarat, që shkojnë tek 600 milionë dollarë në vit. Së dyti, mundësia e marrjes borxh është e ngushtuar. Pa ekonomi, pa mundësi pagimi, pa garanci, nuk te jep kush para. Por edhe po u morën paratë borxh, nuk kanë për të shkuar tek investimet por do të përdoren për pagesat e buxhetit e për për shlyerjen e detyrimeve ndaj shumë kreditorëve. Natyrisht që ka mundësi me luejtë dhe me gjetë zgjidhjen, por zgjidhja do të jetë shumë e vështirë dhe do të vijë me një cmim të kripur në të ardhmen.

Sistemi Financiar

Gjendja e krizës në sistemin financiar është evidente. Kreditimi ka rënë përtokë. Bankat e dyta transferojnë jashtë vendit në formën e pagesave të borxheve ndaj bankave mëmë, fitimit, transaksioneve etj. disa qindra milionë euro në vit. Si edhe e kam shpjeguar më parë, shoqëria shqiptare është një shoqëri hordhëku ku të gjithë janë në borxh deri në fyt. 80% e shqiptarëve e kanë një borxh që nga listat tek apartamentet e makinat. Banka e Shqipërisë dhe Guvernatori, që e ka mirë edhe me këta që po vijnë, i shërbeu besnikërisht Saliut duke mbajtur interesin e pandryshuar gjatë fushatës zgjedhore. Tani kjo politikë duhet rishikuar me shpejtësi dhe shplimi i artificialitetit të saj do të bëjë që kriza të bëhet më evidente dhe më e theksuar. Shtoji këtyre faktorëve edhe mungesën e likuiditetit në tregun financiar të brendshëm, sistemin ekonomik që funksionon me clearing, dhe shkallën e mashtrimit që u luajt me kolateralet e bankave, që po shohin kreditë e këqia rtë rriten me një shpejtësi marramendëse, dhe kjo do të bëhet tepër shqetësuese dhe shumë e qartë në vjeshtë. Mbajtja e lekut si monedhë e fortë shërben shumë dhe zgjidh problem të mëdha si financiare e shoqërore. Shumica e kredive janë në euro, shumica e prurjeve të emigrantëve është ne euro e dollarë, dhe pagesat e buxhetorëve dhe të punësuarve bëhen në lekë. Mirëpo kjo gjendje e sistemit financiar nuk mund të vazhdojë kështu sepse nuk është i mbështetur në ligjet e ekonomisë.

Korrupsioni dhe kriminalizimi


Problem themelor është nga se të vijnë të ardhurat e shtetit. Doganat e TVSH nuk japing aq shume sepse importet kanë rënë. Fuqia blerëse ka rënë dhe konsumatori shqiptar është në letargjinë dimërore si ariu. Qeveritarët nuk do të tatojnë veten apo Sali Berishën dhe familjen. Qeveritarët nuk do të tatojnë kriminelët e bandat që i sollën në fuqi apo që, me marrëveshjen e ditur të rotacionit, i lejuan të fitojnë në ‘bastionet’ e  PD-së. Qeveritarët nuk do të prekin zonat e nxehta te prodhimit te droges, te krimit, te trafikimit te njerezve e te kontrabandes sepse jane vete ne krye te ketyre bizneseve. Nuk do te prekin mbeshtetesit e miqte milionerë e multimilionerë që tani janë deputetë. 40 milionerë të koalicionit janë në Kuvend. Barren e madhe te buxhetit te shtetit, keta duan t’ua hedhin prodhuesve e tregtareve te vegjel. Mirepo keta i kane fshehur parate tek “qypi”, dhe keshtu gjendja eshte thuajse e pashpresë. Po ashtu vala e pushuarve nga puna që do të numërojë disa dhjetra mijra vetë do të kërkojnë menjeherë pagesat.

Shterrimi i Kapitalit shoqëror

Problem më kryesor është shterrimi i kapitalit shoqëror. Sali Berisha dhe PD kanë luksin që mund të presin aq sa të fillojnë dështimi dhe zhgënjimi i njerëzve. Sepse as Edi Rama as Ilir Meta nuk do ta fusin në burg. Por si Ilir Meta ashtu edhe Edi Rama janë të destinuar të dështojnë. Saliu lulëzon mbi pakënaqësinë popullore, tamam si lulet e varreve mbi të vdekurit. Mirëpo këtu është në lojë zhgënjimi popullor me mbështetësit e me militantët e PD-së. Për më shumë, këtu është në lojë edhe zhgënjimi me mbështetësit e PS-së e të LSI-së. Rregulli i artë i atyre që ngjiten në pushtet është që për cdo vend pune që mbush bën nëntë të pakënaqur. Në një vend si shteti shqiptar ku jetesa sigurohet kryesisht nga korrupsioni në lidhje me punën që ken ë shtet, për cdo vend pune që mbush bën 29 vetë të pakënaqur. Këta që kanë vjedhur për 100 vjet, sic vodhën këta që do të qeverisin kur ishin në pushtet, kanë kohë e durim për me pritë që njerëzit të fillojnë e të ndjehen të pakënaqur dhe të fillojnë e ta shesin veten si e keqja më e vogël.

Në vend të përfundimit

Rritja e tatimit, rritja e përgjegjësisë, shplimi i plotë i krizës dhe sqarimi i gjendjes janë detyrime të mëdha e të menjëhershme të qëverisjes. Por, paradoksi është se përgjegjësi për këtë gjendje është njeriu që e mban peng qeverinë, sepse ai e kishte në kontroll ekonominë deri dje. Ai e caktoi Guvernatorin e Bankës në punë. E kështu me radhë. Dallga që e ngriti varkën e PS dhe të LSI rrezikon që ta përplasë atë në shkëmbin e krizës ekonomike. Sepse ngado që të kthehen, Sali Berisha ka punuar sistematikisht që të lëjë një tokë të shkretë, me një pus me kovë me shumë vrima në të cilën duan të pinë kaq shumë njerëz që janë tharë si cimkat tetë vjet në opozitë.  Gjithsesi, në fund të fundit, kova do të ketë një gisht ujë, por kush do ta pijë? Prandaj iu duhet folur njerëzve me realizëm, me vërtetësi, dhe duhet bërë ajo që duhet bërë. Mirëpo, si duken bathët, ajo që është thënë në këtë Rrethin e Ferrit  do të dalë e vërtetë dhe gjendja do të jetë e frikshme për të gjithë njerëzit e dënuar me jetue në atë gjendje e në atë sistem kriminal e të sunduar nga kriminelët që duket sikur shtohen për ditë, e dalin nga se pret, njëlloj si gjarpërinjtë në Ferrin dantesk.


SHENASI RAMA


Rating (Votes: )   
    Comments (0)        Dërgoja shokut        Printo


Other Articles:
NJË VLERËSIM PËR PRAGUN E REPUBLIKËS SË PESTËNga ROMEO GURAKUQI* (07.04.2013)
DASHURIA E MADHE MIDIS PARTISË DEMOKRATIKE TË SHQIPËRISË DHE PARTISË KOMUNISTE TË KINËSNga SHABAN MURATI (07.03.2013)
101... E TUTJENga ALBINOT MALOKU (07.02.2013)
PËRVJETORI I MASAKRËS SË ÇAMËVENga FRANK SHKRELI (07.02.2013)
GENTJAN, ENDRIT, JU LUTEM MOS E LEXONI LETRËN E SALI BERISHËS (UPDATED) Nga ELIDA BUÇPAPAJ (07.01.2013)
MANDELA DHE OBAMANga BILL KELLER, New York Times (06.30.2013)
E DJATHTA DHE E MAJTANga RESHAT KRIPA (06.29.2013)
VOTA PARANDALUESENga SKËNDER BUÇPAPAJ (06.28.2013)
LUFTA E FTOHTË KTHEHETEdward Snowden shton ftohjen në raportet SHBA, RusiNga ANNE APPLEBAUM, Washington Post (06.28.2013)
A MUND TË KETË NDRYSHUAR DIÇKA NË SHQIPËRI?Nga FRANK SHKRELI (06.27.2013)



 
::| Lajme të fundit
::| Kalendari
Gusht 2018  
D H M M E P S
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]