VOAL - Online Zëri i Shqiptarëve

LADORISHTI, NJË NDËRGJEGJE E NGARKUAR HISTORIKE... Nga LEBIT MURTISHI E Djelë, 07.28.2013, 04:19pm (GMT1) Më 28 Tetor të këtij viti (2013) mbushen 69 vjet nga masakra e forcave nazifashiste mbi fshatin Ladorisht, ku u vranë 84 fshatarë të pafajshëm, u plagosën qindra të tjerë dhe u dogj e u shkrumua i tërë fshati... Ishte kjo hera e tretë e djegies së fshatit, pas forcave bullgare dhe forcave serbe gjate lufterave ballkanike... Herën e katërt provoi Gligorovi me 1992, por nuk ia doli mbanë... Me këtë rast do të ndalem tek viti i largët (1944)... Luftimet u zhvilluan (mes forcave partizane dhe kolonës gjermane që vazhdonte udhën në drejtim të Qafëthanës) në hyrje të fshatit... Në anën e partizanëve kishte të mobilizuar dhe vullnetarë dhjetëra burra ladorishtarë, por edhe me forcat nazifashiste kishte një numër simbolik ladorishtarësh... Ky fakt nuk ka ndonjë peshë karshi faktit tjetër që, më 28 Tetor, kur forca të panumërta gjermane dhe bashkëpunëtore të tyre iu drejtuan Ladorishtit pas orëve të mesnatës, i vunë flakën dhe masakruan çdo të tetin banor të fshatit, njësitet partizane të komanduara nga dëshmori i mëvonshëm, Nexhat Agolli, gjatë gjithë kohës (rreth 18 orë) sa zgjati tmerri i Ladorishtit, nuk ndërmorën asgjë për t'i dalë në ndihmë fshatit... Pas kaq vjetësh histori do të duhej të jepej një përgjigje nga historiografia shqiptare, do të duhej t'iu themi një ,,faleminderit" atyre që bashkëpunuan me nazifashistët dhe atyre që mbajtën sehir mbi kodrat e fshatit (vende mjaft të përshtatshme për luftime në distancë)... Do të duhej të zbardhet bashkëpunimi (eventual) i të dyja palëve kundër Ladorishtit kryengritës, që i dha Atdheut përherë gjak e barut... Do të duhej të ftojmë në këtë përvjetor të përgjakshëm luftëtarët e vërtetë të asaj periudhe historike, dhe të largojmë (me emra e mbiemra) bashkëpunëtorët e krimit, qofshin partizanë, qofshin nazifashistë... Mund të duket absurd bashkëpunimi i dy ushtrive kundërshtare, por kur janë në pyetje shqiptarët, edhe mushka pjell binjakë... Nje Grupi hulumtues, i formuar në Zvicër (Idriz Murtishi, Jeton Lleshi, Rini Dauti dhe të tjerë...) ka arritur gjer në arkivat ushtarake të Freiburgut (Gjermani), por është vështirë të zbardhet gjithçka lidhur me këtë ngjarje, pa u hapur arkivat partizane të Republikës së Shqipërisë... Të shpresojmë se edhe historiografia shqiptare do ta lajë borxhin ndaj Ladorishtit dhe ndaj vetvetes... 28.07.13 Ladorisht LEBIT MURTISHI

Copyright © 2005-2008 Nulled by [x-MoBiLe]. All rights reserved.