E Djelë, 09.22.2019, 04:48pm (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 
AS NOSTRADAMUS NUK DINTE ASGJË PËR 17 DHJETORIN E TRETË TË SHQIPTARËVE
Nga RAMIZ LUSHAJ

E Enjte, 12.12.2013, 08:03am (GMT+1)



1. Ndoshta as Nostradamus nuk mund t’ia parashikonte Shqipërisë në këto 101 vjet tri përkime datore historike të tilla si kjo e 17 dhjetorit. E para, edhe për nga randësia, ishte 17 dhjetori 1912, kur pas Shpalljes së Pavarësisë Kombëtare Shqiptare në Vlorë, Konferenca e Ambasadorëve në Londër i dha Shqipërisë, si të thuash, një “status kandidati” për njohje ndërkombëtare si shtet i pavarur e sovran, si një principatë, si “Shqipëri Londineze”. Kjo u aktkrye më 29 korrik 1913 E dyta, tepër jetike, ishte 17 dhjetori 1920, kur Shqipëria pranohet antare e Lidhjes së Kombeve me 35 vota pro e 7 abstenime. Ishte vendi i 43-të që hynte në “OKB” e asaj kohe. E treta, si domosdoshmëri, po vjen këto ditë, kur më 17 dhjetor 2013 Shqipëria pritet të marrin Statusin e shumëpritur të Vendit Kandidat për në Bashkimin Europian. Këto janë data që i ka sjellë Historia për ne Shqiptarët dhe që, ne, Shqiptarët, i kërkuam nëpër Histori, ashtu sikurse edhe 28 nëntorët e Shqipërisë Arbërore e Natyrale.

2. Në koftë se flasim për firmëtarët e Pavarësisë Kombëtare Shqiptare më 28 nëntor 1912 duhet të themi se ata janë krenari kombëtare e papërseritshme, që pa tepri mund të krahasimohen edhe me 56 firmëtarët e Pavarësisë së Amerikës më 1776. Këta firmëtarët e 1912-tës janë realisht Rilindja e Shqipërisë dhe jo Qeveria me 21 antarë e Edi Ramës që shumicës së tyre nuk ua dijnë emrat përveçues as në Gardë e as në Aeroportin e Rinasit dhe shumë kësish u banë të njohur vetëm kur u shpall kabineti qeveritar. Të mos harrojmë faktin se kur Shqipëria u njoh më 17 dhjetor 1912 nga Fuqitë e Mëdha në Londër ishte Kryeministër e ministër i Jashtëm, Ismail Qemal Bej Vlora, “babai i Pavarësisë”, themeltari i Shtetit Shqiptar. Ndërsa në dhjetor 1920 në Gjenevë, kur Shqipëria u antarësue në Lidhjen e Kombeve, kryetar i Delegacionit Shqiptar ishte Fan S. Noli, i ditur e i shetitur në katër kontinente, i diplomuar në Universitetin e Harvardit, kryetar i Vatrës në Amerikë, etj. Ndoshta duhet thirrë kujtesa historike: Qeveria e parë e Shqipërisë, Qeveria e Përkohshme e pas shpalljes së Pavarësisë (4 dhjetorit 1912-janar 1914) kishte personalitete kombëtare të larta: Ismail Qemal Bej Vlora (kryeministër e ministër i Punëve të Jashtme, Dom Nikollë Kaçorri e Preng Bibë Doda (zv/kryeministër), ndërsa ministra: Hasan Beg Prishtina, Mehmet Pashë Dërralla, Mit’hat Frashëri, Luigj Gurakuqi, Myfit Libohova, Abdi Toptani, Fejzi Alizoti, Lef Nosi, Petro Poga, Pandeli Cale, Esad Pshë Toptani, etj. Kjo Qeveri e Ismail Qemalit e çoi Shqipërinë në njohje ndërkombëtare të saj më 17 dhjetor 1912, qyshse në muajin e parë të Pavarësisë. Edhe Qeveria e Kongresit të Lushnjës, që e çoi Shqipërinë në Lidhjen e Kombeve, kishte personalitete kombëtare të larta: Sulejman Delvina (kryeministër), Mehmet Konica – ministër i Punëve të Jashtme, Ahmet Zogu – ministër i Brendshëm, Eshref Frashëri (zëvendsues përkohor si kryeministër, ministër i Punëve Botore), Ndoc Çoba – ministër i Financave, Sotir Peci – ministër i Arsimit, Ali Riza Kolonja – ministër i Luftës, dhe ministra pa portofol me mandat përkohor: Bajram Curri, Hysen Vrioni, Spiro J. Koleka (kuptohet: në Byro Politike të Enverit ishte një tjetër Spiro Koleka). Këto dy qeveri kombëtare shqiptare, Qeveria e Pavarësisë (1912) dhe Qeveria e Kongresit të Lushnjës (1920) kishin, secila prej tyre, jo ma shumë se 11 vetë në kabinetin qeveritar, ndërsa Qeveria e Edi Ramës, Qeveria e 101 vjetorit të Pavarësisë, i ka 21 veta (!). Ndaj, në koftë se Shqipëria nuk e merr Statusin e Vendit Kandidat në bashkimin Europian në 17 dhjetorin e saj të Tretë, atëherë kjo Qeveria e Edi Ramës, për shumë arsye, duhet me iu hap rrugë zgjedhjeve të parakohshme në vendin tonë.

3. E keqja e madhe është se Edi Rama nuk është aq i besuar në Bruksel, sepse Edi Rama nuk i beson as vetëvetës, nganjëherë mbetet disi kontradiktor edhe me vetëveten. Një ditë ma parë thotë se do i ulim taksat në 95 për qind, ndërsa në faqen zyrtare të Kryeministrisë publikon me deçiturë “foto-galeri”se ulim taksat për 97 për qind të taksapaguesve. Edi Rama është njeri vendimmarrës, po “bomba” e armëve kimike siriane i plasi në dorë. Për të tregue një farë forcë dobësie e duke shprehë dobësi fitoreje, ai po don me ia atribue Statusin mazhorancës së sotme të majtë. Ndaj e sulmon opozitën e djathtë, mazhorancën e djeshme, me luftë bio-politike, me të gjitha mjetet e mënyrat antidemokratike, me diversion politik aleancor të deputetëve, me kërcenime me fletë-arreste, etj. Përndryshe: Qeveria e Edi Ramës duhet të mësoj të sillet para fitores së Statusit dhe pas 17 dhjetorit 2013, veçanarisht me opozitën e lidershipin e saj, me ata personalitete zyrtare që e çuan Shqipërinë drejt Brukselit, në NATO e në BE, sepse mund të pësoj fatin jo të mirë të Qeverisë së vitit 1920, pas të cilës, për një vit erdhën e ikën në pushtet 7 qeveri dhe në vitin 1922 pati kryengritje drejt Tiranës. Qeveria e Edi Ramës nuk mund të flasin për “Rilindje” pa marrjen e Statusit të Vendit Kandidat në BE. Diçka duhet ta dijnë zoti Rama: Statusin e vendit Kandidat në BE, nuk shkojmë as “ta marrim” dhe nuk presim as “të na e japin”, por po e fitojmë ndër vite, edhe me arritjet progresive të mazhorancës së djathtë në tetë vite qeverisje. 17 dhjetori 2013 është i Historisë, është i Shqiptarëve, është edhe i Europës. Është i Treti 17 Dhjetor në historinë moderne shqiptare. Qoftë i Bekuar! Ardhtë i Bardhë!

RAMIZ LUSHAJ


Rating (Votes: )   
    Comments (0)        Dërgoja shokut        Printo


Other Articles:
NELSON MANDELA - GJIGANT I HISTORISËNga FRANK SHKRELI (12.11.2013)
DY PËRPLASJE TË MËDHA GJEOPOLITIKE BE-RUSINga SHABAN MURATI (12.09.2013)
REABILITOHET ENVER HOXHANga FRANK SHKRELI (12.09.2013)
PRESIDENTI KUKULLNga ELIDA BUÇPAPAJ (12.07.2013)
DY FJALË PËR NJË VRASJE NË SHKOLLË DHE NJË SHOQËRI NË KRIZËNga MENTOR KIKIA (12.05.2013)
PROTESTUESIT UKRAINAS - PO EUROPËS, JO RUSISËNga FRANK SHKRELI (12.04.2013)
LETËR E HAPUR PRESIDENTIT TË REPUBLIKËS BUJAR NISHANIJO AMBASADOR NË ZVICËR BIRIT TË XHELIL GJONIT, NJËRIT PREJ PERSEKUTORËVE TË DIKTATURËSNga ELIDA BUÇPAPAJ (12.03.2013)
TË PALËKUNDËSHME JANË MARRËDHËNIET AMERIKANO-SHQIPTARENga FRANK SHKRELI (12.02.2013)
KUSH E PENGON NJË BASHKËKUVENDIM TË SHQIPTARËVE TË AMERIKËS?Nga ARTUR VREKAJ (12.02.2013)
Ribotim me rastin e ditëlindjes së Presidentit RugovaIBRAHIM RUGOVA - NJË EPOKË E PANDËRPRERËNga SKËNDER BUÇPAPAJ (12.02.2013)



 
::| Lajme të fundit
::| Kalendari
Shtator 2019  
D H M M E P S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]