VOAL - Online Zëri i Shqiptarëve | ||||
Shkrim i pabotuar SERBIA E KA MENDJEN TE KOSOVA, PASTAJ TEK FQINJËSIA ME SHQIPËRINË Nga SKËNDER BUÇPAPAJ E Premte, 11.14.2014, 02:03pm (GMT1) Gazeta greke "Kathimerini", në prag të takimit me homologun Vuçiç në Beograd, ia ka rikujtuar kryeministrit Rama incidentin e 14 tetorit në Beograd. Në përgjigje të interesimit, i intervistuari ka nënvizuar kryefjalinë "do të turpërohesha nëse ngjarja e Beogradit do të ndodhte në Tiranë", duke ngulmuar se ndjen keqardhje që politika në Beograd u shpreh me një gjuhë urrejtjeje kundër popullit shqiptar dhe nuk e dënoi dhunën e racizmin e tifozëve: "Jam vërtet i çuditur sesi një banderolë fluturuese mund të ngjallë një furtunë të tillë nacionaliste në një stadium futbolli. Më çudit edhe verbëria me të cilën reaguan mediat ndërkombëtare. Në vend që të përqëndroheshin tek thirrjet raciste të 30 mijë njerëzve që bërtisnin "˜vrisni shqiptarët', i thanë publikut se një flamur hodhi në erë gjithë takimin. E turpshme!" Duke iu referuar deklaratave të kryeministrit serb Aleksandër Vuçiq dhe presidentit Tomisllav Nikolliq, Rama thekson se as ai dhe as kreu i shtetit shqiptar Bujar Nishani nuk do të kishin bërë deklaratat fyese ndaj popullit serb, nëse një rast si ai i banderolës me flamur do të kishte ndodhur në Shqipëri. Në reagimin ndaj kësaj interviste, kryeministri serb Vuçiç e ka mbajtur palën shqiptare përgjegjëse për incidentin e Beogradit. A thua se bashkëqytetarët e tij e kishin parandierë dhe, prandaj e kishin paraprirë shfaqjen, sipas tij, të planifikuar dhe të shkaktuar nga pala shqiptare, të banderolës, duke përsëritur akuzën se Rama nuk e dënoi shfaqjen e flamurit, çka nënkuptuaka se Rama e mbështet programin e Shqipërisë së Madhe, të cilin kryeministri serb e konsideron projekt fashist. Vuçiç ka kërcënuar kur ka paralajmëruar: "Pres nga zyrtarët shqiptarë të merren sa më pak me politikën në Serbi dhe të merren më shumë me problemet e tyre, në të cilat unë nuk kam dëshirë të hyj asnjë çikë" . Në gjuhën e njohur të Beogradit, kjo do të thotë se Serbia mund të shkaktojë destabilitet në Shqipëri, po të dojë. Një ditë më parë, Ivica Daçiç, ministri i Jashtëm i Serbisë, ai që merret gjerësisht me përgatitjet dhe mbarëvajtjen e vizitës historike në kryeqytetin serb, lëshonte akuzat e radhës kundër Shqipërisë. Sipas tij, është Shqipëria që, me vërejtjet e saj, po e pengon Serbinë në proceset e anëtarësimit në NATO. Edhe kjo akuzë, e sajuar, dëshmon mungesën e plotë të dëshirës në Beograd për të pritur atje një kryeministër të Shqipërisë. Nga ana e saj, Shqipëria e ka manifestuar vazhdimisht këtë dëshirë që nga rënia e Millosheviçit. Një ndër përparësitë e Fatos Nanos në mandatin e dytë qeverisës të PS ishte përmirësimi i marrëdhënieve me Serbinë. Ministri i Jashtëm i asaj kohe Ilir Meta gati sa harroi përparësitë e tjera të diplomacisë shqiptare, sa shefi i tij u detyrua ta largojë nga ky post. Edhe Sali Berisha, duke i ditur lidhjet e veçanta të Ilir Metës me paraardhësin e ndjerë të Boris Tadiçit, Xhinxhiçin, e bëri përparësi të mandatit të tij të dytë përmirësimin e marrëdhënieve të Tiranës me Beogradin. Në cilësinë e tij si zëvendëskryeministër dhe ministër i Jashtëm, Meta realizoi vizitë në Beograd dhe në Preshevë, duke e ngritur kështu kënaqshëm nivelin politik të marrëdhënieve mes dy kryeqyteteve, çka, në të vërtetë, e pasqyron saktë gjendjen reale të këtyre marrëdhënieve sot dhe, mendoj, për shumë kohë në të ardhmen. Pra, nivel që mbetet vetëm në kuadrin e Tiranës zyrtare e Beogradit zyrtar, por jo në kuadrin e Shqipërisë dhe Serbisë. Disa herë gjatë 14 viteve të fundit janë paralajmëruar vizita të kryeministrave të Shqipërisë në Beograd, po ashtu ftesa që kryeministrat e Shqipërisë ua kanë bërë homologëve në Beograd për ta vizituar Tiranën. Beogradi as nuk i ka konfirmuar, as nuk i ka pranuar dëshirat disa herë të shqiptuara të Tiranës politike. Tirana, në kuadrin e entusiazmit të vizitës së planfikuar të 23 tetorit, e kishte menduar si një 'rastësi' të lumtur ndeshjen e futbollit midis dy kombëtareve, 9 ditë para takimit të kryeministrave. Harronte se Beogradi, me një perceptim krejt tjetër, edhe sikur kjo ndeshje të mos i kishte pikuar nga qielli, do të kishte bërë çmos për të krijuar një kontekst tjetër, për ta pasur si pretekst për të mos e pritur në Beograd kryeministrin shqiptar. Takimi Rama-Vuçiç në Beograd u planifikua dhe do të ndodhë në frymën e Konferencës së Berlinit për Ballkanin Perëndimor. Vendi organizator dhe mikpritës i Konferencës, posaçërisht vizionarja Merkel, duke i parë si nyjë të rëndësishme të paqësimit, stabilitetit dhe progresit të rajonit marrëdhëniet shqiptaro-serbe, i mbajti ngjitur me njëri-tjetrin gjatë gjithë kohës Ramën dhe Vuçiçin, dy homologë që i përkasin të njëjtit brez. Beogradi, në thelb, e shikon si të rrezikshëm një optikë të tillë evropiane ku të jenë në qendër shqiptarët dhe serbët, sepse Beogradi është mësuar me politikën e vjetër, serbocentriste, të Evropës në Ballkan. Në fakt, me Tadiçin, në Beograd fillonte pikërisht politika e rikthimit të serbocentrizmit në Ballkan. Tadiçi, për këtë, do të hapte arkivat e Titos, me qëllim që, në marrëdhëniet e jashtme, ta vendosë Serbinë në shinat ku Tito e kishte lënë Jugosllavinë. Në thelb kjo diplomaci kërkon ta imponojë Serbinë ndaj Evropës, Perëndimit dhe bashkësisë ndërkombëtare si miken më të ngushtë të Rusisë në Ballkanin - Fuçi Baruti, në këtë mënyrë ta kthejë serbocentrizmin në këtë rajon. Ndonëse të një krahu tjetër politik, partitë e Daçiçit dhe Nikoliqit, përkatësisht të Millosheviçit dhe Sheshelit, e kanë vazhduar më me dalldi politikën e filluar prej Tadiçit. "Ne jemi miq të Rusisë dhe të Evropës," përsërisin krerët aktualë të Beogradit. Alergjinë më të madhe ndaj vizitës së Ramës në Beograd e manifeston pikërisht Daçiçi, ai që është takuar 40 herë me kryeministrin e Kosovës dhe që ka deklaruar se është gati të takohet pafundësisht herë me bashkëkandidatin e tij për çmim Nobel të Paqes, Hashim Thaçin. Me kryeministrin e Kosovës, Daçiç kosovari kishte përjetuar së bashku emocionet e këtij çmimi. Humori i prishur më 10 tetor, kur shuheshin shpresat për bashkëmarrjen e çmimit, duket se ka ndikuar dhe po ndikon jo vetëm në paraqitjet e Daçiçit, por edhe në përgatitjet për vizitën e kryeministrit Rama. Deri tashi Beogradit i është kërkuar nga Evropa, Perëndimi, bashkësia ndërkombëtare vetëm përmirësimi i marrëdhënieve me Prishtinën, çka në një të ardhme, dikur, do të mund të pasqyrohet edhe në marrdhëniet midis Serbisë dhe Kosovës. Dialogu i Beogradit me Prishtinën i ka dhënë Serbisë shumë pikë në të gjitha këto rrafshe. Si në ëndërr Serbia është në fazën e negociatave për anëtarësim në BE. Nëpërmjet procesit të dialogut me Prishtinën, nga ana tjetër, Serbia ka arritur që, nga viti në vit, sidomos pas rënies së Millosheviçit, ta rritë shkallën e bashkëqeverisjes së Kosovës. Kështu iu ka krijuar qytetarëve të saj idenë se tashmë vendi i tyre po funksionon si Serbi e gjerë, term që përdorej për Serbinë me dy krahinat në kohën e Jugosllavisë. Kështu e ka shtuar rolin e saj ndaj Republikës Serbe të Bosnjës. Kështu ka arritur që për një gjysmë viti të bllokojë proceset e pas 8 qershorit në Kosovë, ngaqë nuk i kanë pëlqyer deri sot asnjë nga formulat e qeverisjes së re të Kosovës. Vizita e kryeministrit Rama në Beograd do të jetë e para e këtij lloji pas vizitës së Enver Hoxhës të realizuar më 1946. Enveri e përshkruan vetë atë si vizitë të një vasali tek padroni i tij. Në librin "Titistët" ai shkruan se ia kishte përmendur Titos problemin e bashkimit të Kosovës me Shqipërinë, siç ishte premtuar gjatë luftës, por Tito i kishte thënë se nuk bëhet dot për shkak të serbomëdhenjve. Por nga arkivat e Beogradit ka dalë se ai i ka kërkuar bashkimin e Shqipërisë me Jugosllavinë, çka Tito e ka konsideruar të parakohshëm. Beogradi i sotëm nuk duron dot që një kryeministër i Shqipërisë ta vizitojë, të flasë e të paraqitet në cilësinë e përfaqësuesit të një vendi anëtar të NATO-s, të një vendi që është miku më i ngushtë i Amerikës në Ballkan. Sidomos, nuk pajtohet me termat e kësaj vizite, qoftë me atë më të thjeshtat, siç është qëllimi i saj për "përmirësimin e marrëdhënieve midis dy vendeve të rajonit", sepse në Beograd kërkohet që Shqipëria të konsiderohet vend fqinj i Serbisë, çka bie ndesh me realitetin e ri të krijuar pas luftës së vitit 1999 dhe pas 17 shkurtit 2008. As termi i shpikur në Tiranë "dy vende fqinje rajonale" nuk i shkon midesë së Beogradit. Duke këmbëngulur se, gjithsesi, vizita e Ramës në Beograd, qoftë edhe duke mos e hapur fare gojën atje dhe duke mos bërë asgjë, të konsiderohet si provokacion për Serbinë, krerët e këtij vendi rajonal duan ta zbrazin nga çdo përmbajtje këtë vizitë, t'ia shndërrojnë në bumerang vizitën Ramës. Për këtë ata duan të diktojnë të gjitha termat që do të përdoren, të gjitha tekstet që do të shqiptohen, të gjithë protokollin e vizitës. Kjo del edhe në paraqitjen e Daçiçit, kur ai ia përcakton rreptësisht kuadrin kësaj vizite tek thotë se vizita e kryeministrit të Shqipërisë Edi Rama do të kalojë në "formën e paralajmëruar, e kjo do të thotë se qëllimi kryesor i kësaj vizite do të jetë normalizimi i marrëdhënieve dhe përparimi i tyre i mëtejshëm". Kjo që paraqet Daçiçi do të ishte një optikë tejet e cunguar e vizitës së pritshme të Ramës në Beograd. Në fakt, Shqipëria është tejet e interesuar që Serbia, i vetmi vend që është fqinj i Kosovës, duke mos qenë njëherësh edhe fqinj i Shqipërisë, të ketë marrëdhënie normale me Kosovën, tashmë vend fqinj i Shqipërisë. Prandaj kjo vizitë nuk ka si të mos shikohet pikërisht në favor të përmirësimit të marrëdhënieve Serbi-Kosovë, pa të cilat nuk mund të ketë marrëdhënie të mira shqiptaro-serbe. Rrjedhimisht nuk mund të ketë marrëdhënie të mira midis dy kombeve fqinje, marrëdhënie të cilat janë vendimtare për Ballkanin dhe që janë në qendër të politikës së re perëndimore për këtë rajon. Për të gjitha këto, Beogradi nuk mund ta rishtyjë takimin dhe nuk mund ta zbehë përmbajtjen e tij. Ndonëse gazeta "Kathimerini", pas intervistës së Ramës dhe reagimit të Vuçiçit, del në përfundimin se dy kryeministrat e kanë minuar takimin pa ndodhur ende. "Dhe është e pamundur, përfundon gazeta nëpërmjet analistit të saj Stavros Ximas, dikush të japë përgjigjen se cilat do të jenë pikat e konvergjencës midis palëve në takim, nëse ai do të ndodhë me të vërtetë." 02.11.2014 © RAMA T'I LUTEJ VUÇIÇIT QË TA ZHBLLOKOJË KRIZËN NË KOSOVË Nga SKËNDER BUÇPAPAJ E Mërkurë, 11.12.2014, 10:12am AI VEND KU NUK LEJOHEN KUNDËRKANDIDATURAT, ËSHTË DIKTATURË Nga SKËNDER BUÇPAPAJ E Djelë, 11.09.2014, 03:55pm JERMI TOTALITAR I PDK - OSE NËNSHTRIM, OSE ZGJEDHJE TË JASHTËZAKONSHME Nga SKËNDER BUÇPAPAJ E Enjte, 11.06.2014, 09:26am A E UDHËHEQ LDK KOALICIONIN PASZGJEDHOR? Nga SKËNDER BUÇPAPAJ E Mërkurë, 10.29.2014, 10:21am SERBIA E TRAJTON EDHE SHQIPËRINË ME FUSNOTË Nga SKËNDER BUÇPAPAJ E Djelë, 10.19.2014, 08:56am KUVENDI I KOSOVËS - VENDIMET QË MUND TË MERREN ME SHUMICË TË THJESHTË NUK KA PSE TË SHTYHEN PËR MË VONË Nga SKËNDER BUÇPAPAJ 8 QERSHORI - NYJA GORDIANE Nga SKËNDER BUÇPAPAJ E Mërkurë, 10.01.2014, 10:55amPAPA YNË Nga SKËNDER BUÇPAPAJ E Hënë, 09.22.2014, 08:47am PRESIDENTJA E HODHI GURIN NË LUMË, NJË MIJË TË ZGJUAR NUK E NXJERRIN Nga SKËNDER BUÇPAPAJ E Mërkurë, 08.27.2014, 06:59am TRI JOTË JETIKE TË KOSOVËS Nga SKËNDER BUÇPAPAJ E Shtunë, 08.23.2014, 09:05am REFORMA ORIGJINALE E KRYEMINISTRIT RAMA Domosdoshmëria e një revanshi femëror në zyrat e partisë dhe të shtetit Nga SKËNDER BUÇPAPAJ E Hënë, 08.18.2014, 08:25am PRANDAJ KUVENDI I RI NUK PO LICENSOHET Nga SKËNDER BUÇPAPAJ E Mërkurë, 08.06.2014, 02:30pm KOSOVA POST-TRAUMË Nga SKËNDER BUÇPAPAJ E Premte, 08.01.2014, 04:58pm Shënimi ditor SHPEND MOS U ÇMEND FQINJËT JANË NË EKSPANSION, NE JEMI NË RESTRIKSION NË EVROPË, SI ALEATË TË AMERIKËS TË MOS SHNDËRROHEMI NË HORDHI BEDRI MYFTARI - JETOI PËR NJË ËNDËRR, IKU PA TË COMMONWEALTHI SERB ËSHTË SA ANTISHQIPTAR DHE ANTIEVROPIAN Ribotim
'MAQEDONIA' NUK PUNON PËR EVROPËN, KOHA NUK PUNON PËR 'MAQEDONINË' SEVDALLINJTË MANJAKË TË PARTIVE - DIVERSION EDHE KUNDËR MEDIAVE ONLINE
HAPËSIRA SHQIPTARE MË VERILINDORE - PENG I TERMAVE TIRANË - KUVENDI BURLESK NË SEANCËN E JASHTËZAKONSHME PËR EGIN CEKËN TË NESËRMEN E NJËZET E DY MARSIT TË NJËZET E DYTË MAFIA NUK BËN DOT ZGJEDHJE - OSE MEDITIM PËR 23 QERSHORIN THJESHT ATDHEDASHURI - TË JEMI BIJ TË ATDHEUT, TË MOS JEMI VAMPIRË TË ATDHEUT POPULLI E DI KË KA CUB KË HERO
SHKRUAR MË 21 DHJETOR 2012, NË DITËN E PARË TË EGOS GLOBALE
FUNDNËNTORI 2012, TIRANA E DAFINAVE DHE E GJEMBAVE Nga SKËNDER BUÒªPAPAJ SHQIPËRISË ORA E PRONËS I KA NGECUR NË VITIN 1946 Pesëvjetori i vizitës së Presidenti amerikan në Shqipëri XHORXH W BUSHI NË TURIN EUROPIAN HISTORIK TË KOSOVËS Veta e parë LETËR ZOTIT PËR BARDHYL AJETIN! Nga SKËNDER BUÇPAPAJ (shkruar më 4 qershor 2005) SHQIPËRIA POSTKOMUNISTE DREJT PRESIDENTIT TË GJASHTË Nga SKËNDER BUÒªPAPAJ Nga SKËNDER BUÇPAPAJ DOBIA KRYESORE E KATASTROFAVE NATYRORE Nga SKËNDER BUÇPAPAJ DY FJALË PARA PROTESTËS SË PRITSHME TË VETËVENDOSJES Nga SKËNDER BUÇPAPAJ Nga SKËNDER BUÇPAPAJ HAVELI QË E PATËM, HAVELI QË NUK E PATËM SINOPSIS STINORIT TË SIVJETËM TË ZJARREVE PRESIDENTI BILL KLINTON ËSHTË NJERIU QË MORI VENDIMIN EPOKAL PËR ÇLIRIMIN E KOSOVËS Ribotohet me rastin e 65 vjetorit të lindjes së presidentit të 42-të të SHBA ZËVENDËSKRYEMINISTËR PËR GJUHËN SHQIPE Nga SKËNDER BUÇPAPAJ DISA IDE PËR ORGANIZIMIN E DIASPORËS SHQIPTARE NË ZVICËR Nga SKËNDER BUÇPAPAJ INSTRUMENTI I VETËM ËSHTË PUNA MË SHUMË SE OPOZITË INSTINKTIVE, KOSOVËS I DUHET NJË OPOZITË ME STRATEGJI Nga SKËNDER BUÇPAPAJ REVOLUCIONE APO RRËSHQITJE SITUATE URIMET EVROPIANE NDOSHTA NUK DO TË VIJNË FORCËN E OPOZITËS NUK E BËJNË NUMRAT Nuk e bën as dobësia e shumicës qeverisëse POETIKA E DHIMBJES NË NJË ROMAN TË RI Romani "Imazh" i Zef Mulajt Nga SKËNDER BUÇPAPAJ Nga SKËNDER BUÇPAPAJ A ËSHTË E PËRGATITUR LIDHJA DEMOKRATIKE PËR TA QEVERISUR KOSOVËN? 21 JANARI DHE INTELEKTUALËT LAKEJ KUVENDI I RI: TIPOLOGJI, KAAKTERIZIME, PROGNOZA Nga SKËNDER BUÇPAPAJ PËRSHPIRTNI NAZMI LUKAJT, MIKUT DHE KOLEGUT 21 JANARI NË RADARIN E JASHTËM MEDIATIK Nga SKËNDER BUÇPAPAJ NJË VERSION I NËNTËDHJETESHTATËS BAJRAKU NË ÇARSHI OSE POLITIKA NË ANKAND ROJA TË SOVRANITETIT Zotër shtëpie Nga SKËNDER BUÇPAPAJ PDK DHE LDK SHTRATIN ENDE TË NXEHTË KOLLITJET E STALINIT... ...nesër në "tri komunat heroike" Nga SKËNDER BUÇPAPAJ MARTY & THAÇI, THE PRECEDENT & SUBSEQUENT TË DUAN, PA TË QORTOJNË (Letër e mbyllur partive) Nga SKËNDER BUÇPAPAJ UKË RUGOVA DHE QYTETARIA E DINASTIVE NË DEMOKRACI SIMBOL I LUFTËS SË KOSOVËS ËSHTË SHTËPIA E JASHARAJVE, NUK ËSHTË "SHTËPIA E VERDHË" EVROPA NË ANËN E HUMBËSVE TË LUFTËS SË KOSOVËS MINUS NEXHATI, PLUS ALBINI, BARAS ÇKA? POLITIKËN MUND TA NDRYSHOSH VETËM DUKE MARRË PJESË NË POLITIKË SHKRIRJA E MEDIAVE NË PUSHTETIN POLITIK
Sot mbushen plot 17 vjet nga dalja për herë të parë në satelit e Radiotelevizionit Shqiptar NGASJET E PERSONALIZIMIT TË HISTORISË GREQIA DHE SHQIPËRIA, GREKËT DHE SHQIPTARËT PDK DHE LDK SHAHEN... DERI PAS ZGJEDHJEVE AKSESI I KOSOVËS NË DOSJET E SPIUNËVE TË SAJ SINDROMI I THESARIT TË ALI PASHË TEPELENËS SI E KAPI GREQINË EMPATI E MBRAPSHTË E SOCIALISTËVE ME DEMOKRATËT
SHQIPTARIZMI NË KONTEKSTIN E EVROATLANTIZMIT DHE GLOBALIZMIT
VIZIONI YNË EVROPIAN I RIBASHKIMIT SHQIPTAR Nga SKËNDER BUÇPAPAJ HAMENDJET PARAZGJEDHORE Nga SKËNDER BUÇPAPAJ NUK KAM MALL PËR FUSHATAT E DORËHEQJEVE, LARG QOFSHIN FUSHATAT E DORËHEQJEVE A DO TË VAZHDOJË NJOHJET EDHE GJATË DIALOGUT?
MBYLLJA ME NDER E MISIONEVE NDËRKOMBËTARE Nga SKËNDER BUÇPAPAJ Nga SKËNDER BUÇPAPAJ NË Ç'RRUGË KA HYRË PROCESI I NJOHJEVE NË LDK ASGJË E RE, ASGJË E RE NË LDK HISTORIA NUK ËSHTË E PARTIVE, PARTITË JANË PJESË E HISTORISË
E NGRIRË KOSOVA NUK MUND TË HYJË NË BISEDIME TË REJA Nga SKËNDER BUÇPAPAJ PA ZBARDHJEN E HISTORISË DISIDENCA SHQIPTARE NUK DO TA FITOJË QYTETARINË PËR INAT TË KOSOVËS, SERBIA ËSHTË GATI TË BËJË ÇFARËDO HARAKIRI Nga SKËNDER BUÇPAPAJ LERENI KOSOVËN SHËNDOSH, NËSE E DONI SHËNDOSH BALLKANIN, EVROPËN... KOSOVA DHE NJOHJET - GJEOPOLITIKA TJETËR MË TEPËR SE NJË GJETJE FORMULE, NJË THYERJE TABUJE Nga SKËNDER BUÇPAPAJ AS REVANSHISTË, AS TË REVANSHUAR Nga SKËNDER BUÇPAPAJ VERIU I KOSOVËS, FUSHËBETEJA E FUNDIT?
NË HORIZONTE ENDE ASNJË RRETHANË OPTIMALE PËR BISEDIME
MARRËDHËNIET ME NDËRKOMBËTARËT SHPREHIN AFTËSINË SHTETËRORE TË KOSOVËS © SKËNDER BUÇPAPAJ
|
||||
Copyright © 2005-2008 Nulled by [x-MoBiLe]. All rights reserved. |