VOAL - Online Zëri i Shqiptarëve - SHQIPËRIA NDRYSHE NGA ÇEKIANga ELIDA BUÇPAPAJ

                                                                                      

E Martë, 03.19.2024, 04:46am (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 

SHQIPËRIA NDRYSHE NGA ÇEKIA

Nga ELIDA BUÇPAPAJ

E Shtunë, 08.07.2010, 07:39pm (GMT+1)



Para dy ditësh pothuaj të gjitha agjencitë e lajmeve bënë të ditur se autoritetet çeke kishin tërhequr nga detyra diplomatin e tyre që ushtronte detyrën në republikën e Maqedonisë, pasi emri i tij ishte publikuar në listën e ish-agjentëve të shërbimit sekret ushtarak të kohës së komunizmit. Lista e ish-agjentëve dhe krerëve të lartë të shërbimit ushtarak sekret të kohës së komunizmit u publikua nga Instituti Çek për zbardhjen e periudhës totalitare.

Emri i ish-spiunit diplomat u botua me emër dhe mbiemër, pa çarë krye për diskreditimin e personit, të cilit pas këtij zbulimi i hiqet e drejta për të shërbyer në diplomacinë e Çekisë.

Çekia vazhdon të ecë e sigurt në konsolidimin e shtetit demokratik përmes motos së Vaslav Havelit se: "E vërteta dhe dashuria duhet të mposhtin gënjeshtrat dhe urrejtjen".

Krejt ndryshe është situata në Shqipëri, ku e vërteta e regjimit më totalitar të Evropës Lindore vazhdon të fshihet, duke u mposhtur prej gënjeshtrave dhe prej ish-spiunëve të Sigurmit, të cilët vazhdojnë të bëjnë karrierë duke uzurpuar postet më të larta në administratën publike dhe diplomaci.

Në Shqipëri qarkullon një listë e gjatë pseudonimesh, për persona që ushtrojnë funksionet e tyre në detyra shtetërore. Sigurisht, që me listën e gjatë të pseudonimeve ka mundësi për spekulime, por këto spekulime nuk mund të rreshtin përderisa dosjet dhe listat e ish-spiunëve ruhen dhe mbrohen duke shkelur çdo princip të një shteti që sot është anëtar i NATO-s.

Disa herë është tentuar pa sukses që të futet në Parlament ligji për zbardhjen e figurës së zyrtarit të administratës së lartë shtetërore, por në të gjitha rastet është gjetur një kleçkë që ligji i zbardhjes të figurave të mbahet në sirtar.

Ndryshe nga Çekia që pastron administratën e shtetit të saj demokratik nga çdo figurë e komprometuar nga e shkuara, në Shqipëri dëshmohet gatishmëri që të sakrifikohet shteti demokratik për këto figura të komprometuara të cilat politika i përdor sa herë që e lyp nevoja.

Ndërsa Çekia zgjidh çdo enigmë të së shkuarës totalitare duke zbardhur çdo skutë të ndyrë të saj, në Shqipëri edhe pas njëzet vjet tranzicioni, skutat e errëta të diktaturës kanë mbetur të zeza siç kanë qenë gjatë sistemit totalitar.

Ndërsa Çekia zbardh emër për emër çdo person që ka qenë pjesë e sistemit të urryer diktatorial, në Shqipëri deri më sot nuk është zbuluar asnjë emër publik, ndërsa nëpër korridore qarkullojnë pseudonimet e emrave të politikës, të cilët vazhdojnë të ngjisin shkallët e karierës.

Ashtu si Çekia, arkivat e shërbimeve të fshehta të regjimeve totalitare, i kanë hapur pothuaj të gjitha vendet e Evropës Lindore që sot janë pjesë e NATO-s dhe BE-së, ndërsa Shqipëria i ruan me fanatizëm emrat e inkriminuar gjatë regjimit totalitar, shumë prej të cilëve mund të jenë duke ushtruar detyra shtetërore, ashtu si edhe ish-diplomati çek të cilin shteti i tij e dogji, pasi një njeri i përfshirë në listën e ish-agjentëve të shërbimit të diktaturës, nuk ka të drejtë që të ushtrojë detyra në administratën shtetërore.

Për hapjen e Dosjeve dhe Arkivave të periudhës së diktaturës është shprehur shumë herë edhe shkrimtari Ismail Kadare, shqiptari me famë më të madhe kontemporane, por fakti që Ismail Kadare ndryshe nga Vaclav Haveli, nuk pati detyrë shtetërore, ka bërë që mjerisht zërin e tij nuk e ka dëgjuar askush.

Ndoshta, me një ndihmë teknike nga Çekia, është plotësisht e mundshme që Shqipëria, sado vonë, tashmë anëtare e NATO-s, në prag të çfarëdo kandidimi të pritshëm në Bashkimin Evropian, të ketë edhe ajo një ligj të saj, sa pranueshëm për aleatët perëndimorë, edhe të përshtatshëm për kushtet e brendshme të vendit, në mënyrë që përfundimisht ta bëjë shkëputjen e plotë nga e shkuara.

Është e drejtë themelore e qytetarëve të Shqipërisë ta dinë se për kë në të vërtetë kanë votuar, se për kë ata i kanë paguar taksat dhe se kë kanë majmur në kolltukët e pushtetit në këto vite të pluralizmit. Kjo e drejtë themelore të mos iu mohohet më, në mënyrë që të vendosin me sy në ballë se kujt do t'ia japin shansin për të qeverisur në të ardhmen.





ELIDA BUÇPAPAJ


Rating (Votes: )   
    Comments (0)        Dërgoja shokut        Printo


Other Articles:
SIGURIA E QIELLIT MBETET ENDE NJË PRIORITET I SHËRBIMEVE INTELIGJENTE AMERIKANENga JANET NAPOLITANO, Foreign Affairs (08.07.2010)
SERBIA NUK MUND TË KETË FAT MË TË MIRË SE KOSOVANga SKËNDER BUÇPAPAJ (08.05.2010)
KUJDES NGA POLITIKA PUTINISTE NE BALLKANNGA FRANK SHKRELI (08.04.2010)
BE NUK MUND TË EKZISTOJË NË VARESI TË GREQISË, SPANJËS, SLLOVAKISË, RUMANISË E QIPROS !Nga ELIDA BUÇPAPAJ (08.04.2010)
SPIUNAZHI RUS NË EVROPËN LINDORENga GREGORY FEIFER (08.04.2010)
PROBLEMI MË I MADH I SERBISËNga PATRICK MOORE (08.02.2010)
TË PANJOHURAT E NJË DIVORCI - NDARJET NË PARTINË E LIRISË DHE FATI I QEVERISËNga SERGIO ROMANO, Corriere della Sera (08.01.2010)
KOSOVA DO TË VAZHDOJË TË SHOHË NGA WASHINGTONI, Z.GLENNY !Nga ELIDA BUÇPAPAJ (07.30.2010)
OPOZITA MIZERABËL E SHQIPËRISË - MJERIM KOMBËTAR ! Nga ELIDA BUÇPAPAJ (07.30.2010)
KOSOVA NË OKB SHTATORIN E KËTIJ VITI DHE JO VITIN TJETËR Z.PRESIDENT ! NGA ELIDA BUÇPAPAJ (07.30.2010)



 
::| Lajme të fundit
::| Kalendari
Mars 2024  
D H M M E P S
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lartë]