E Mërkurë, 07.24.2019, 09:13am (GMT+1)

Ballina Linqe Stafi Kontakt
 
 
::| Fjala:       [Advance Search]  
 
Gjithë lajmet  
LAJMI I FUNDIT
OPINONE-EDITORIALE
ZVICRA
INTERVISTË-PRESS
SHQIPTARËT
LAJME NDËRKOMBËTARE
POLITIKË
DIASPORA NË ZVICËR DHE BOTË
PERSONAZH
ART KULTURË
DOSSIER
KËNDI I SHKRIMTARIT
HOLLYWOOD
AFORIZMA
GOSSIPE
SPORT
::| Newsletter
Emri juaj:
Emaili juaj:
 
 



 
OPINONE-EDITORIALE
 

KUÇEDRA SHMANGET VETËM NË ASAMBLENË E PËRGJITHSHME

Nga SKËNDER BUÇPAPAJ


E Djelë, 08.08.2010, 07:34pm (GMT+1)

Se kërkesa për zëvendësimin e rezolutës tashmë famëkeqe 1244 nuk ishte vetëm një replikë, fjalë e hedhur në një çast, për të mos u zënë ngusht në një tryezë, (praktika të tilla, shfaqje e sjellje të tilla elokuente nuk janë aspak të përjashtueshme, nuk janë aspak të paragjykueshme në diplomaci) e vërtetoi përsëritja përforcuese e kësaj teze edhe në Prishtinë.

Skënder Hyseni, në cilësinë e përfaqësuesit më të lartë të diplomacisë së Kosovës, ngulmoi në mbledhjen e radhës, të para do ditëve, të Këshillit të Sigurimit me temën e Kosovës, se rezolta 1244 duhet zëvendësuar, ngaqë kësaj rezolute i ka ikur koha prej më shumë se një viti e gjysmë, ngaqë kjo rezolutë është kthyer në pengesë për proceset e Kosovës, ngaqë kjo rezolutë pas 17 shkurtit 2008 nuk mund të ketë më kurrfarë vlere.

Vetë Hashim Thaçi, Kryeministri i Kosovës, njeriu më i fuqishëm i Prishtinës, theksoi në vijim se "Qeveria ka qëndrime unike ndaj idesë për zëvendësimin e rezolutës 1244 me vendosjen e një rezolute të re për Kosovën". Deklarimi i Thaçit erdhi pas kritikave nga shoqëria civile se Qeveria e Kosovës nuk ka pse merret me rezolutën 1244, ajo vetëm duhet ta forcojë bashkëpunimin me praninë ndërkombëtare në vend dhe të shtojë numrin e njohjeve të reja të pavarësisë së Kosovës, në atë masë sa shteti më i ri në botë të ketë vendin e saj në Kombet e Bashkuara.

Paraqitja në Këshillin e Sigurimit e një projekt-rezolute për ta zëvendësuar rezolutën 1244 është diçka e lehtë. Nëse Prishtina këmbëngul, cilado prej vendeve mike dhe aleate, anëtare në instancën më të lartë të përditshme të Kombeve të Bashkuara, do ta përfshinte këtë projekt-rezolutë në punët e Këshillit të Sigurimit. Dhe gjithçka do të përfundonte me vënien e vetos nga ana e Rusisë. Kjo edhe mund të përsëritej në kuadrin e një loje nervash me kundërshtaren më të fuqishme të pavarësisë së Kosovës, por varet sa do t'ia vlente.

Institucioni ku shmanget vetoja e Rusisë është Asambleja e Përgjithshme e Kombeve të Bashkuara. Kosova mund ta ketë gati ose mund ta bëjë gati projekt-rezolutën për zëvendësimin e rezolutës së vjetër brenda afatave ligjore të përfshirjes së saj në debate dhe miratim nga ana e organit më të lartë të Kombeve të Bashkuara.

Rëndom, një dokument hidhet për miratim në këtë institucion pasi të jenë siguruar votat e nevojshme për të pasur suksesin e kërkuar. Mungesa e suksesit ka pasojë, e pakta, shijen e hidhur. Më e keqja, ndërkaq, është se shënon zbrapsje të fuqishme në procesin e Kosovës dhe shndërrohet në frymëzuese të kundërmësymjes së diplomacisë Serbe ndaj këtij procesi. Do të bëhej kështu një dëm i përmasave vështirë të ndreqshme.

Kryeministri Thaçi tha se "diplomacia kosovare ka përfaqësuar vendin në mënyrë të shkëlqyer në Gjykatën Ndërkombëtare të Drejtësisë dhe në Këshillin e Sigurimit" e mbi këtë bazë "Qeveria do të vazhdojë edhe më tej me agjendën e saj shtetërore, për integrimin e Kosovës në institucionet ndërkombëtare".

Tekstin e kryeministrit, hapësirat mes rreshtave të këtij teksti, unë prirem t'i kuptoj kështu: Qeveria e Kosovës do t'i përmbahet të njëjtit stil, të punës pa bujë e pa zhurmë, për të arritur të njëjtat suksese. Dhe: Qeveria e Kosovës po punon për arritjen e synimeve të reja, ku përfshihet edhe anëtarësimi i Kosovës në Kombet e Bashkuara.

Një infrastrukturë e përkryer, e pajisur tashmë edhe me përvojën e suksesshme të përfaqësimit të Kosovës në Gjykatën Ndërkombëtare të Drejtësisë, është plotësisht e natyrshme, plotësisht e pritshme që, me të njëjtën metodikë, me një racionalitet sa më ekstrem, të shkojë drejt një fitoreje të re, tashmë e cilësisë epokale, drejt një fitoreje të sigurtë. Dihet, në ndeshje të tilla shkohet vetëm për të fituar. Dhe fitorja, miratimi i rezolutës së re në vend të të vjetrës, është e mundshme vetëm nëpërmjet Asamblesë së Përgjithshme.

Unë nuk e radhit vet ndër ata optimistë se kuçedra do të zbutet, se kuçedra do ta mbyllë njërin sy e njërin vesh kur tek burimi i drejtësisë do të jemi ne shqiptarët, do të jetë çështja jonë kardinale, anëtarësimi i Kosovës në Kombet e Bashkuara. E radhis veten ndër ata optimistë se verdikti historik i Gjykatës Ndërkombëtare të Drejtësisë ka krijuar momentin më optimal që ne ta kurorëzojmë epërsinë tonë absolute ndaj kundërshtares më të fuqishme të procesit të Kosovës edhe në Kombet e Bashkuara. Dhe nuk bën kurrsesi ta lëshojmë dore këtë moment.

SKËNDER BUÇPAPAJ


Rating (Votes: )   
    Comments (0)        Dërgoja shokut        Printo


Other Articles:
AMBASADA AMERIKANE NË TIRANË NDERON DY ISH ZYRTARË TË SAJ"Ranë për idealet e lirisë dhe demokracisë"Nga FRANK SHKRELI (08.07.2010)
SHQIPËRIA NDRYSHE NGA ÇEKIANga ELIDA BUÇPAPAJ (08.07.2010)
SIGURIA E QIELLIT MBETET ENDE NJË PRIORITET I SHËRBIMEVE INTELIGJENTE AMERIKANENga JANET NAPOLITANO, Foreign Affairs (08.07.2010)
SERBIA NUK MUND TË KETË FAT MË TË MIRË SE KOSOVANga SKËNDER BUÇPAPAJ (08.05.2010)
KUJDES NGA POLITIKA PUTINISTE NE BALLKANNGA FRANK SHKRELI (08.04.2010)
BE NUK MUND TË EKZISTOJË NË VARESI TË GREQISË, SPANJËS, SLLOVAKISË, RUMANISË E QIPROS !Nga ELIDA BUÇPAPAJ (08.04.2010)
SPIUNAZHI RUS NË EVROPËN LINDORENga GREGORY FEIFER (08.04.2010)
PROBLEMI MË I MADH I SERBISËNga PATRICK MOORE (08.02.2010)
TË PANJOHURAT E NJË DIVORCI - NDARJET NË PARTINË E LIRISË DHE FATI I QEVERISËNga SERGIO ROMANO, Corriere della Sera (08.01.2010)
KOSOVA DO TË VAZHDOJË TË SHOHË NGA WASHINGTONI, Z.GLENNY !Nga ELIDA BUÇPAPAJ (07.30.2010)



 
::| Lajme të fundit
::| Kalendari
Korrik 2019  
D H M M E P S
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
 
::| Hot News
PËRMBYTJET NË SHQIPËRI - QEVERIA THOTË SE GJENDJA ËSHTË KRITIKE, KËRKON NDIHMË NGA BRUKSELI
ARVIZU - PRESIM QË DREJTËSIA SHQIPTARE TË DËNOJË TRAFIKANTËT E NJERËZVE
NATO NUK MUND TË NDIHMOJË NË KRIJIMIN E USHTRISË NË KOSOVË
GJERMANIA, FRANCA, BRITANIA E MADHE, HOLLANDA DHE DANIMARKA KUNDËR STATUSIT TË VENDIT KANDIDAT PËR SHQIPËRINË
THAÇI PARALAJMËRON ZGJEDHJEN E PRESIDENTIT GJATË JAVËS SË ARDHSHME
MISIONI MISHELËNga MICHELLE OBAMA, Newsweek
BABAI E NJEH MË MIRËNga THOMAS L. FRIEDMAN, New York Times
NATO dhe BE borxhlinj ndaj Kosovës ?Nga Elida Buçpapaj

 
VOAL
[Shko lart]