Politikanët maqedonas po ia dalin të zhgënjejnë edhe optimistët e pandreqshëm. Këta, në fakt, parapolitikanë, janë shndërruar në dy muajt e fundit në varrmihësit e së ardhmes së vendit, me kazmën e tyre që s’resht së shemburi çdo arritje të deritanishme. Ata po provojnë me saktësinë e eksperimentit shkencor, se janë larg, shumë larg të qenët elita që mund ta shpjerë vendin drejt Bashkimit Evropian dhe NATO-s, atje ku veprimet e këtushme konsiderohen budallallëqe të pashembullta

Ne ende nuk e dimë fituesin e zgjedhjeve të së dielës në Itali, por humbësit tashmë dihen mirë. Dhe në këto zgjedhje, kush humbet mund të jetë shumë më i rëndësishëm se kush fiton. Humbësi i dukshëm është Mario Monti, profesori simpatik dhe elokuent i ekonomisë të cilit i është njohur gjerësisht shpëtimi i Italisë nga kriza e borxheve e stilit grek gjatë një viti të mandatit të tij si kryeministër i pazgjedhur i Italisë

Sekretari i ri amerikan i Shtetit, John Kerry mbajti të mërkurën fjalimin e tij të parë me rëndësi si kryediplomati amerikan , në Universitetin Virxhinia -- një universitet publik i cili themeluar nga Thomas Jefferson, njëri prej baballarëve të kombit amerikan dhe Sekretari i parë amerikan i Shtetit, i cili, tha Kerry, e themeloi këtë universitet, sipas Jeffersonit, të bazuar në "lirinë e pakufizuar të mendjes së njeriut''

Le të kthehemi tani pas marrjes së pushtetit, në vitin 2005, nga Partia Demokratike dhe aleatët e saj. Ky koalicion mbetet gjithmonë shumë më afër të përndjekurve se sa koalicioni i majtë. Por po ta krahasojmë me qeverisjen demokrate të viteve 1992-1997, do të shohim se ka diferenca dhe këto bien në sy në të gjitha sferat e jetës

Më 28 Janar ndërroi jetë në Washington diplomati i njohur amerikan dhe mbrojtësi i të drejtave të njeriut, Max Kampleman. Për më shumë se 30-vjetë ai punoi për presidentë demokratë dhe republikanë, duke ia dedikuar jetën dhe karierën e tij paqës, lirisë, të drejtave të njeriut dhe demokracisë, anë e mbanë botës. Ai punoi për Presidentin demokrat Jimmy Carter i cili e caktoi atë si përfaqsues të Shteteve të Bashkuara në mbledhjen lindje-perëndim të Madridit

5 vjet më parë, përjetuam një dalldisjë gëzimi për lajmin e madh se Kosova do të shpallte pavarësinë. Telefonata, urime, njoftime, organizimi i festës. Bejtush Nomanoviq do të ishte organizatori i komunitetit kosovar për të bërë një “Ditlindje të madhe”! Në verilindje të qytetit, një sallë e madhe me flamuj dhe këngë. Një pritje tradicionale kosovare, duarshtrëgim, urime, respekt dhe këngë pambarim. Kishte miq të shumtë, ish-ushtarë amerikanë në Kosovë, familje, studentë...

Pesëvjetori i festimit të pavarësisë të Kosovës ishte diçka ndryshe ngasa kemi parë rëndom, kur festa e pavarësisë të Kosovës bëhet ndërkohë shprehje e ndjenjës së identitetit kombëtar. As veprimtarët e Vetëvendosjes nuk ndërmorën ndonjë veprim për të vendosur natën flamujtë kombëtarë të kuq si gjaku me shkabën e zezë dykrenore. U tregua disiplinë

Nota e protestës, që sipas burimeve të MPJ, në emër të Departamentit amerikan të Shtetit ambasadori i SHBA në Tiranë i dorëzoi ministrit të jashtëm të Shqipërisë në 23 janar, përbën dokumentin e parë të pashoq të një proteste të fuqishme të qeverisë amerikane ndaj qeverisë së Shqipërisë, që nga rivendosja e marrëdhënieve diplomatike mes dy vendeve 22 vjet më parë. Dokumenti shënon një fazë të re kritike në marrëdhëniet mes dy shteteve dhe është i pashembullt

Të Dielën me 17 Shkurt Kosova dhe mbarë kombi shqiptar festoi 5-vjetorin e shpalljes së Pavarësisë nga Serbia. Ekspertë të ndryshëm kanë pohuar se mos të ishte për përkrahjen e madhe diplomatike dhe ushtarake të Shteteve të Bashkuara për shqiptarët e Kosovës, Kosova nuk do e kishte fituar kurrë pavarësinë e shpallur më 17 Shkurt, 2008. Duke u bazuar në deklaratat që udhëheqësit e saj më të lartë bënë me rastin e 5-vjetorit të Shpalljes së Pavarësisë së Kosovës, Shtetet e Bashkuara të Amerikës vazhdojnë të jenë të angazhuara, me sinqeritetin më të madh të tyre, për të vazhduar mbështetjen ndaj Kosovës

Pesëdhjetë e një vjet më parë Xhon F. Kenedi tha në këtë sallë: “Kushtetuta nuk na bën rivalë për pushtet por partnerë për përparimin.” “Është detyra ime”, - tha ai, “të raportoj për gjendjen e Shteteve të Bashkuara – përmirësimi i tyre është detyra e të gjithëve ne.”