VOAL - Online Zëri i Shqiptarëve

PESË VJET NGA VRASJA E AKTIVISTES ESTEMIROVA E Martë, 07.15.2014, 05:27pm (GMT1) Organizata Amnesty International përkujton sot aktivisten ruso-çeçene të të drejtave të njeriut dhe gazetaren, Natalya Estemirova, e cila është vrarë pesë vjet më parë. Aktivistët po shpërndajnë lule për kalimtarët pranë stacionit të metrosë Novokuznetskaya në Moskë, duke u kërkuar atyre që t'i mbjellin ato në shtëpitë e tyre, në kujtim të Estemirovas. Ngjarja është quajtur "Lule për Natalyan". Aktivistët po ashtu do të mbledhin nënshkrime për të kërkuar nga autoritetet që të hetojnë rastin. Estemirova është rrëmbyer në kryeqytetin e Çeçenisë, Grozni, më 15 korrik të vitit 2009. Trupi i saj është gjetur të nesërmen në Ingushetinë fqinje. Askush nuk është arrestuar në lidhje me vrasjen e profilit të lartë. www.voal-online.ch

Copyright © 2005-2008 Nulled by [x-MoBiLe]. All rights reserved.