VOAL - Online Zëri i Shqiptarëve

KRYEPROKURORI HOLDER NË FERGUSON TË MISURIT E Mërkurë, 08.20.2014, 07:05pm (GMT1) Prokurori i Përgjithshëm i Shteteve të Bashkuara Eric Holder shkoi sot në Ferguson të Mizurit, pas një nate disi më të qetë në qytetin amerikan, që u përfshi nga protestat herë-herë të dhunshme, pas vrasjes së një adoleshenti të paarmatosur afrikano-amerikan nga një polic i bardhë. Në një opinion botuar sot në gazetën Post Dispatch të qytetit St. Louis, zoti Holder bënte thirrje për vendosjen e besimit mes organeve të rendit dhe publikut, ndërsa vazhdojnë hetimet për vdekjen e 18 vjeçarit Michael Brown. Ai shkruan se hetimi për këtë çështje do të jetë i plotë, i drejtë dhe i  pavarur. Prokurori i Përgjithshëm pritet të takohet me udhëheqës të komunitetit, hetues të FBI-së dhe zyrtarë të të drejtave civile për të diskutuar mbi vdekjen e të riut më 9 gusht. www.voal-online.ch

Copyright © 2005-2008 Nulled by [x-MoBiLe]. All rights reserved.