Presidenti i Ukrainës, Petro Poroshenko, pritet të takojë sot homologun rus, Vladimir Putin, në Minsk të Bjellorusisë.
Takimi ndodh në kohën e tensioneve të larta midis Kievit dhe Moskës në lidhje me kryengritjen pro-ruse në lindje të Ukrainës.
Samiti do të ndiqet edhe nga presidenti i Bjellorusisë, Alyksandr Lukashenka, ai i Kazakistanit, Nursultan Nazarbaev, si dhe nga zyrtarë të lartë të Bashkimit Evropian.
Të hënën, Poroshenko ka shpërndarë Parlamentin e Ukrainës, duke u hapur rrugën zgjedhjeve të reja që do të mbahen më 26 tetor.