VOAL - Online Zëri i Shqiptarëve

PROTESTË NË RUSI KUNDËR TRAJTIMIT TË PILOTES UKRAINASE E Hënë, 10.20.2014, 10:36am (GMT1) Një grup i aktivistëve rusë të të drejtave të njeriut do të protestojë sot kundër gjykimit të pilotes ukrainase, Nadezhda Savchenko, e cila është kapur në lindje të Ukrainës dhe është dërguar në Rusi, për t'u përballur me akuzat për pjesëmarrje në vrasjen e dy gazetarëve rusë. Protesta është organizuar përmes rrjeteve sociale. Savchenko po mbahet në spitalin psikiatrik Serbsky të Moskës. Më 18 tetor, Nikolai Polozov, njëri nga avokatët e Savchenkos, ka shkruar në Twitter se pilotja nuk lejohet të fle në spital. "Gjithë natën, një zyrtar i burgut ulet në hyrje të dhomës së saj dhe e shikon. Ne e konsiderojmë këtë torturë", ka shkruar Polozov. www.voal-online.ch

Copyright © 2005-2008 Nulled by [x-MoBiLe]. All rights reserved.