VOAL - Online Zëri i Shqiptarëve

ISH KRYEMINISTRI KAZAK NË ARREST SHTËPIAK E Mërkurë, 11.19.2014, 12:32pm (GMT1) Ish-kryeministri kazak, Serik Akhmetov Ish-kryeministri kazak, Serik Akhmetov, është vënë në arrest shtëpiak, nën akuzat për korrupsion. Agjencioni Anti-Korrupsion i Shtetit, ka njoftuar sot më 19 nëntor, se arrestimi i Akhmetov, ka të bëjë me hetimet që kanë nisur ndaj disa zyrtarëve të shtetit. Detaje tjera nuk janë bërë publike. Akhmetov, 56 vjeç, shtetas kazak i rajonit Qaraghandy, ka shërbyer si kryeministër nga shtatori 2012 deri në prill 2014. Në prill, ai është emëruar si ministër i Brendshëm, por muajin e kaluar ka dhënë dorëheqje, me ç'rast është thënë se është "˜vendim personal', i tij. Akhmetov, ka dhënë dorëheqje, disa javë pasi që hetuesit arrestuan governatorin e rajonit Qaraghandy, Bauyrzhan Abdishev, kryetarin e qytetit, Meiram Smagulov, dhe disa zyrtarë të tjerë lokalë, të akuzuar për korrupsion. www.voal-online.ch

Copyright © 2005-2008 Nulled by [x-MoBiLe]. All rights reserved.