VOAL - Online Zëri i Shqiptarëve

LEGJENDA E FUTBOLLIT SHTROHET NË SPITAL E Premte, 11.28.2014, 10:16am (GMT1) Lajme jo të mira vijnë nga Brazili për legjendën e gjallë të futbollit, Pele, i cili prej katër ditësh është shtruar në një spital në gjendje kritike. 74-vjeçari është shtruar të hënën në spitalin "Albert Anshtajn" në Sao Paolo, dhe shkak të një infeksioni në rrugët urinare.  "Gjendja e pacientit Edson Arantes do Nashimento është e paqëndrueshme dhe për të qenë në një monitorim më të mirë, është transferuar në  një repart të specializuar",  njoftoi zyra e informacionit të spitalit "Albert Anshtajn". Tri herë kampioni i botës është shtruar me urgjencë për herë të parë në të njëjtin spital më 12 nëntor për shkak të dhimbjeve në veshka. Pele pritej të ishte i pranishëm në një veprimtari në muzeun "˜Pele' për prezantimin e një libri, por tri orë para nisjes, është anuluar gjithçka. Pas heqjes së gurëve në veshka, Pele ka dalë nga spitali pas 3 ditësh. Pasi ka lënë spitalin, ish-kampioni brazilian, tashmë 74 vjeç, kishte njoftuar se qëndroi disa ditë pushim në shtëpinë e tij në Santos. Problemet shoqëruar me dhimbje të forta janë rikthyer sërish të hënën sërish për të njëjtin problem. www.voal-online.ch

Copyright © 2005-2008 Nulled by [x-MoBiLe]. All rights reserved.