Miss Bota për këtë vit është studentja e mjekësisë nga Afrika e Jugut, Rolene Strauss. Bukuroshja afrikano-jugore e mori titullin në një ceremoni madhështore në Londër dje, duke lënë pas 120 konkurrente të tjera. Vendin e dytë e zuri Edina Kulcsar nga Hungaria dhe të tretin Elizabeth Safrit nga Shtetet e Bashkuara.
Ceremonia u transmetua drejtpërdrejt në gjithë botën me një audience prej mbi 2 miliardë vetësh, sipas organizatorëve. Strauss është e treta afrikano-jugore që e fiton këtë titull. Ajo shprehu krenarinë që përfaqësonte Afrikën e Jugut.
Ceremonia e 64 e Miss Botës u mbajt vetëm disa ditë pasi Miss Honduras, Maria Jose Alvarado u vra në prag të pjesëmarrjes në konkurs. Shumë nga pjesëmarrëset nderuan kujtimin e saj.
Comments (0)
Dërgoja shokut
Printo
