Muhammad Ali (majtas) duke e mbrojtur titullin e kampionit botëror kundër Ken Nortonit në takimin që u zhvillua më 9 shtator 1976 në Nju Jork
Legjenda e boksit botëror, Muhammad Ali, është pranuar në një spital për shkak të pneumonisë dhe pritet të ripërtrihet shpejtë, meqë sëmundja është hetuar në stadiumin e hershëm, ka thënë mbrëmë vonë zëdhënësi, Bob Gunnell.
Muhammad Ali, 72 vjeçar, dje është pranuar në një spital të paidentifikuar dhe po trajtohet nga ekipi i mjekëve.
Zëdhënësi Gunnell tha se gjendja e tij shëndetësore është stabël.
"Për shkak se pneumonia është zënë herët, prognoza për të është e mirë dhe pritet qëndrim i shkurtër në spital", tha Gunell në një deklaratë, raporton agjencia Reuters.
Ai nuk ka pranuar të paraqes ndonjë detaj tjetër të gjendjes së ish-boksierit Ali, dhe tha se familja e tij ka kërkuar që të mos jepen informacione më të hollësishme.
Muhamad Ali, tri herë kampion botëror në kategorinë e rëndë, vuan nga sëmundja Parkinson.
Comments (0)
Dërgoja shokut
Printo
