VOAL - Online Zëri i Shqiptarëve | ||||
FIFA - PRINCI ALI BIN AL HUSSESIN SHPALL KANDIDATURËN PËR PRESIDENT E Martë, 01.06.2015, 04:47pm (GMT1) Zëvendëspresidenti aktual i organizatës botërore të futbollit (FIFA), Princi Ali Bin Al Hussein, e ka shpallur kandidaturën për të garuar kundër presidentit aktual, Sepp Blatter. Princi Ali nga Jordania sot ka shpallur se ai do të jetë kandidat në zgjedhjet presidenciale të FIFA-s, që mbahen më 29 maj. Princi 39 vjeçar, tha se "është koha për ndryshim" në federatën e futbollit. Raportohet se FIFA është e goditur nga disa skandale dhe akuza për korrupsion gjatë udhëheqjes 17 vjeçare të zotit Blatter. Shefi i Komitetit etik të FIFA-s, është tërhequr javën e kaluar, pasi ky komitet kishte konstatuar se Rusia dhe Katari duhet t'i organizojnë kampionatet botërore të futbollit në vitet 2018 dhe 2022, megjithë dëshmitë e gjëra se të dy vendet kishin dhënë ryshfet për të siguruar organizimin e garave. Sepp Blatter, 79 vjeçar, ka shprehur përkushtim që të zgjedhet edhe për mandatin e pestë pesëvjeçar me radhë në krye të FIFA-s. www.voal-online.ch
|
||||
Copyright © 2005-2008 Nulled by [x-MoBiLe]. All rights reserved. |