VOAL - Online Zëri i Shqiptarëve

MYFTIU I MADH I BOSNJES KRITIKON KARIKATURAT E CHARLIE HEBDO E Premte, 01.16.2015, 10:05am (GMT1) Myftiu i Madh i Bosnjes, Husein Kavazoviq Udhëheqësi i komunitetit mysliman të Bosnjes, e ka kritikuar botimin e fundit të revistës satirike Charlie Hebdo, e cila përsëri ka shfaqur karikaturat e Profetit Muhamet, karikatura të cilat nga shumë myslimanë janë cilësuar si ofenduese. Përmes një deklarate të publikuar sot, Myftiu i Madh i Bosnjes, Husein Kavazoviq, thotë se pamja e Profetit në atë revistë, është një "keqpërdorim i lirisë së fjalës dhe shprehjes artistike, të përdorura për të fyer, me paramendim, njerëz të tjerë dhe atë çfarë është e shenjtë për ta". Objektivë e botimit të ri të Charlie Hebdo, sipas Husein Kavazoviq, ishte paraqitja e Profetit në mënyrë sa më të urryer. Javën e kaluar, Husein Kavazoviq, e ka dënuar sulmin e 7 janarit nga ana a militantëve në revistën Charlie Hebdo, ku janë vrarë 12 persona. Husein Kavazoviq konsiderohet si një udhëheqës i hapur dhe i moderuar mysliman, i cili synon ta promovoj tolerancën me qëllim që të forcohen parimet e islamit të modernizuar. rel www.voal-online.ch

Copyright © 2005-2008 Nulled by [x-MoBiLe]. All rights reserved.